【必收藏】15間精選餐廳推介！JFOODO日本葡萄酒 x 中、西、日式美食搭配 體驗全新味覺享受
中菜
鏞鏞．藝嚐館
囍慶酒家
名苑酒家
名館
星小宴
潮尚館
南丫天虹海鮮酒家
西餐／多國菜
Oasis Bar & Grill
Maison ES Private Dining Kitchen – Ta Pantry
Poseidon Restaurant & Bar
Café & Grill ITALIAN TOMATO
Himalaya Restaurant
FIGARO
日本料理
中菜
鏞鏞．藝嚐館
「鏞記」燒鵝大家就食得多，佢哋開拓嘅全新年輕品牌「鏞鏞．藝嚐館」大家又試過未呢？今次搭配活動除咗有日本葡萄酒配燒鵝，仲有幾款大家成日食嘅小菜搭配，相信會為大家帶嚟新鮮感！
餐廳以清新富果香而帶綿密氣泡嘅MANNS WINES 「Kobo no Awa Koshu BRUT」配搭多元化的廣東點心，中和油膩感之餘亦可將海鮮嘅鮮味提升！而以日本獨有的紅葡萄品種Muscat Bailey A釀製而成嘅MANNS WINES 「Kobo no Awa Bailey A」帶有新鮮果香，配上帶甜嘅蜜汁叉燒可以話係絕配！最後仲有以葡萄皮浸漬嘅CHANTER WINE 「Shimoiwasaki Koshu 2020」 ，豐富口感用嚟配搭以頭抽煎香的大蝦等濃味海鮮菜式，令蝦嘅鮮味更加突出。
店鋪詳情：
地址：尖沙咀梳士巴利道18號Victoria Dockside K11 Musea 7樓701號舖
電話號碼：2321 3800
營業時間：星期一至五 11:30-22:00／星期六及日 11:00-22:00
囍慶酒家
主打廣東菜嘅囍慶酒家一直都相當著重食材同品質，經過多年鑽研將廣東菜變化成獨特現代口味，今次兩間分店就分別為大家帶嚟兩款限定配搭菜單：科學園分店就以於由女性作為評審嘅“SAKURA” Japan Women’s Wine Awards中屢獲殊榮嘅Shirayuri Winery「Le Mont Rosé」搭上色香味俱全嘅鮑魚伴蝦子柚皮，就連餐廳嘅一眾女店員都讚不絕口，女士們一定唔可以錯過！
而大圍分店嘅大廚就以龍躉球、雞湯及蛋白精心炮製經典名菜白雪藏龍躉球，搭配以甲州葡萄釀造嘅有氣Shirayuri Winery 「Sparkling Koshu」白酒，令原本已經鮮甜嘅龍躉加倍昇華！
店鋪詳情：
地址：沙田白石角香港科學園1期科技大道西1號核心大樓2座2樓S101-S106號舖 （科學園）／ 大圍車公廟道69號顯徑商場A翼3樓301A號舖（大圍)
電話號碼：2827 8803（科學園）／2827 9993 （大圍)
營業時間：星期一至六 11:00-23:00／星期日及公眾假期 09:00-23:00 （科學園）／07:00-23:00（大圍)
名苑酒家唔單止堅持以最優質材料炮製美食，追求新鮮感亦係佢哋嘅一大特色，經常會以精湛廚藝配合澎湃創意，烹調出獨特佳餚。味道優雅而清淡輕盈嘅SUNTORY「JAPAN PREMIUM Koshu」最啱就係配上富鮮味嘅廣東海鮮菜式，例如蛋白蒸鮮帶子。而帶有濃郁蔓越莓味、以日本獨有嘅Muscat Bailey A釀造嘅MANNS WINES「Kobo no Awa （酵母之泡）」有氣紅葡萄酒，就同烤雞、鴨肉等菜式非常夾。
店鋪詳情：
地址：樂富聯合道198號樂富廣場A區3樓3106-3109號舖
電話號碼：2877 3839
營業時間：07:00-23:30
地址：銅鑼灣駱克道463-483號銅鑼灣廣場二期7樓
電話號碼：2893 1038
營業時間：08:00-16:00 / 18:00-23:00
地址：大角咀海輝道18號一號銀海地下
電話號碼：2565 1822
營業時間：10:00-16:00 / 18:00-23:30
地址：屯門屯隆街3號屯門市廣場一期3樓3230號舖
電話號碼：2153 0138
營業時間：08:00-16:00 / 18:00-23:30
廣東點心一向係唔少人嘅至愛，若然你都鍾意食點心就一定唔可以錯過呢間餐廳！名館主打創意新派廣東及上海菜，除咗有傳統點心之外，仲有加入新元素嘅創意菜式㗎！今次活動就精心挑選咗帶有乾淨清新口感嘅MANNS WINES 「Kobo no Awa Koshu BRUT」，加上細膩精緻嘅氣泡令礦物質餘韻悠長，配佢哋嘅招牌酸菜魚一流！而Suntory酒莊出品嘅「JAPAN PREMIUM Muscat Bailey A」單寧酸含量較低，容易入口之餘又帶有木桶陳釀香氣，就算係平時比較少飲酒嘅朋友仔都啱飲～
黃金海岸唔止沙灘出名，呢間非一般酒樓嘅「星小宴」都係必去熱點之一，除咗傳統中菜之外，餐廳嘅現代新派中菜都係必試菜式，口感清新乾淨嘅MANNS WINES 「Kobo no Awa Koshu BRUT」可以配上避風塘大肉蟹；至於口感順滑易入口嘅「JAPAN PREMIUM Muscat Bailey A」帶有淡雅木桶陳釀香氣。
店鋪詳情：
地址：屯門青山公路1號黃金海岸商場地下R1號舖
電話號碼：2117 3732
營業時間：09:00-22:00
南丫天虹海鮮酒家
地址：南丫島索罟灣第一街23-27號地舖
電話號碼：2982 8100
營業時間：10:00 – 23:00
潮尚館
鍾意打冷嘅朋友去「潮尚館」一定會大飽口福，餐廳所提供嘅菜式選擇夠晒多，而且款款都色香味俱全，一邊品嚐金牌滷水鵝片，再配埋充滿質感而餘韻悠長嘅MANNS WINES 「Kobo no Awa Koshu BRUT」，絕對會帶比你不一樣嘅潮洲美食體驗！
充滿情調而且食物又高質嘅Oasis Bar & Grill，無論係放工同同事去輕鬆Chill吓，又或者同另一半嚟慶祝紀念日同樣適合。今次限定搭配菜單就以GRACE WINE 「Gris de Koshu 2020」配生蠔，利用清新而較高酸度嘅酒體令蠔味鮮度提升，同時可以平衡擠喺生蠔上嘅檸檬汁，食落更有驚喜！而將酸度、士多啤梨果實香氣均衡嘅GRACE WINE 「Rosé 2020」稍為冷凍後，冰凍口感配搭海鮮及濃魚湯令味道互相提升、層次更加豐富，食落口感香氣更加細膩。
店鋪詳情：
地址：尖沙咀諾士佛臺1號8樓
電話號碼：2887 9820
營業時間：星期一至四 15:00-22:00 / 星期五及公眾假期前夕 14:00-22:00 / 星期六、日及公眾假期 12:00-22:00
Maison ES Private Dining Kitchen – Ta Pantry
就算無得親身飛去法國，喺香港一樣可以品嚐到正宗法國菜～Maison ES Private Dining Kitchen由大廚主理，加上充滿歐陸風嘅裝潢就好似置身於法國當地中。
大廚以橘子汁醃漬吞拿魚生配合帶甘嘅馬糞海膽，再以蜜糖豆及黑毛豬火腿脆脆增添甜味及咸香，食落口感層次相當豐富，配埋口感醇滑嘅辛口Grace Wine 「Serena Extra Brut 2017」，成個味蕾充滿住清爽感覺，一個字：爽！
而Chef Eric就選擇以香煎及脆炸兩種煮法去烹調肉味濃郁嘅鹿兒島和牛，充滿油香嘅和牛肋排配上帶有辛口餘韻嘅Grace Wine 「Yamanashi de Grace 2019」，可以中和油膩感同時令牛味更突出。
店鋪詳情：
地址：灣仔星街1A號
電話號碼：2521 8121
營業時間：星期一至六及公眾假期 12:00-23:00 / 星期日 12:00-18:00
Poseidon Restaurant & Bar
位於尖沙咀嘅「Poseidon Restaurant & Bar」以船為主題，顧名思義以海鮮為主打菜式，各式各樣嘅海鮮通通都應有盡有！今次就特別推出由多款海鮮組成嘅豐富拼盤，烤龍蝦、虎蝦、帶子及青口等等，份量十足啱晒成班人一齊嚟食，一次過滿足晒為食嘅你！再配合入口輕柔嘅Lumiere 「Koshu HIKARI」，微酸嘅香氣更加可以提升海鮮本身的鮮味！
店鋪詳情：
地址：尖沙咀亞士厘道24-38號天星大廈4樓
電話號碼：2511 8299
營業時間：12:00-00:00
Café & Grill ITALIAN TOMATO
唔好以為ITALIAN TOMATO淨係得蛋糕出名，其實佢哋嘅主菜一樣好出色㗎！紅雪蟹肉帆立貝番茄忌廉意粉配上簡單易入口嘅Lumiere 「Koshu HIKARI 」，冰凍嘅清爽酸度同紅雪蟹嘅鮮味有唔錯嘅契合感之餘，同時巧妙地調和蕃茄嘅酸度，令菜式味道層次更加平衡。
另一道菜式就有四色芝士墨西哥薄餅配來自山形縣嘅ASAHIMACHI WINE 「Kashiwabara Vineyard Late Harvest Red Dry 」，呢支以日本本地品種Muscat Bailey A葡萄釀製嘅葡萄酒果香濃郁而酸度清新，能夠同薄餅中不同嘅芝士完美融合，再中和酸忌廉及莎莎醬的酸味，最後配合埋蜜糖嘅甜味，味道層次複雜可口，令人有驚喜！
店鋪詳情：
地址：荃灣大河道 88 號灣景廣場購物中心AEON超級巿場地下G08號舖
電話號碼：2413 0883
營業時間：11:00-20:30
Himalaya Restaurant
餐廳由尼泊爾大廚主理，以地道印度及尼泊爾菜為主，再加上性價比極高因而吸引唔少人前往品嚐。佢哋招牌菜「喜瑪拉雅雞」富有香料香氣，以烤製方式令雞外脆內滑，配上含有蜂蜜及烘烤香味嘅Lumière 「Histoire Blanc」，濃厚肉香結合活潑酸度，絕對會令你回味無窮！
而帶有鮮明黑櫻桃果味嘅Lumière 「Histoire Rouge」就配上味道較濃郁嘅香辣餃子、咖哩羊肉、喜瑪拉雅香辣烤餅（鮮薄荷、香草餡），豐富陳釀香味與香料辛香氣融合，味道更加優雅迷人。
FIGARO主打日法fusion菜，小店裝潢偏向歐陸風而帶有溫馨舒適感，最啱同朋友嚟把酒談心。喺餐廳大家可以品嚐到來自日本最大規模嘅葡萄酒莊HOKKAIDO WINE所出品嘅「Hokkaido Kerner」，豐富嘅龍眼果實香味可以媲美果汁，加上酸度平衡，推介大家可以配合鮮廣島蠔配啫喱醋一同品嚐。
店鋪詳情：
地址：中環善慶街2號地下
電話號碼：2985 8868
營業時間：星期一至五 12:00-22:00 / 星期六 13:00-22:00 / 星期日休息
日本料理
結縁 熟成鮨
結縁 熟成鮨係香港首間有熟成櫃嘅Omakase，以二般熟成技術將魚嘅旨味及複雜度發揮到極致，再加上師傅已經有二十幾年Omakase經驗，無論係食物質素定服務態度都會令你感受到日本職人嘅匠心。
GRACE WINE 「Koshu Hishiyama Vineyard」因木村拓哉主演嘅日劇而大熱，帶有柑橘及西柚等果實香氣而且餘韻優雅綿長，配多款海鮮、刺身都係天作之合嘅搭配，而今次活動就特別揀咗鱈魚白子、8日熟成蜜柑鯛同35日熟成中吞拿魚腩醬油漬，以明亮酸度帶出刺身本來嘅鮮味，品嚐過後相信大家都會露出同木村喺日劇中超享受嘅表情！
店鋪詳情：
地址：西營盤西邊街38號明德山地下B舖
電話號碼：9123 9102
營業時間：19:00 – 22:00
mr. kanso
「mr. kanso」係日本最大型嘅罐頭酒吧連鎖店，店內足足有超過40款日本罐頭料理美食任君選擇！以略帶酸味及果實香氣嘅GRACE WINE 「Gris de Koshu」，配搭小銀魚三式蛋卷，鮮味幾何級上升！
而呢款來自山形縣朝日町嘅辛口紅酒「 ASAHIMACHI Kashiwabara Vineyard Late Harvest Red Dry 」含有大量香料，果味甜美、酸度明亮飲落特別輕快清爽，配上餐廳名物脆炸沙甸魚，令人印象深刻！
店鋪詳情：
地址：銅鑼灣耀華街25號丹納中心地下1號舖
電話號碼：2890 6399
營業時間：12:00-01:00
(Presented by JFOODO)
