台灣 布甸狗千層蛋糕 登港！粉絲必買
廣告
為咗慶祝布甸狗二十歲生日，台灣有間餅店跟Sanrio合作，推出布甸狗千層蛋糕，早前本刊將蛋糕的製作片段的Post上FB，勁多粉絲都大呼想試！聽聞蛋糕好睇之外，仲幾好食㗎！好消息是有代購店將其帶來香港，有心就快去訂喇！
布甸狗千層蛋糕 好睇又好食！
千層蛋糕除咗有個得意布甸狗樣之外，蛋糕材料更用上日本麵粉和牛奶。網民話打開蛋糕味好香，超級好味喎！呢個蛋糕一路都會有得買，5吋千層蛋糕賣399台幣，圍返起大概約HK$100，蛋糕有抗菌封口包裝，唔拆封常溫可保存10日，冷凍就可以保存20日，都算Keep得幾耐，做手信一流！
淨係睇製作過程已經感受到布甸狗嘅可愛！
九里香台灣代購店 有得訂！
係香港嘅朋友仔都唔駛羨慕，事關最近發現香港都有代購可以買，每個$150，雖然貴過台灣，但勝在唔駛山長水遠飛過去吖嘛！
同場加映：小丸子蛋糕＋Macaron
如果你決心飛去台灣，食最新鮮的布甸狗千層蛋糕，既然一場去到，不如食埋呢兩款公仔甜品，小丸子都好可愛呀！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
