【尖沙咀】名古屋大熱!$45大堆頭海膽威化壽司

飲食

廣告

香港流行串燒文化,但博多風串燒不常見,現在於尖沙咀便食得到。未講主打串燒,先嘗新興Gimmick小食。店子引入名古屋一帶新興的威化壽司,用脆餅夾住大啖海膽及壽司飯,食法似足Open Sandwich;另有新奇飲品Wasabi Cocktail ,聽落好騎呢,試真啲又嗒得杯落,而且開到深夜兩點,消夜一流。

不得不提店子主打的串燒,日本串燒分兩大類,我們常吃的是東京風,以雞為主;另一類是博多風,以豬為主,當地還有個有趣習俗,規定第一口串燒必須吃豬肉。店子由當過田舍家大廚的Tomori San 主理,用九州豬腩肉捲著蔬菜來燒,邊燒邊蘸上自家製甜燒汁,不像一般串燒般乾身,且香得驚人!旁邊椰菜絕不是伴碟,而是博多串燒最大特色,拌了米醋和鰹魚汁,酸咪咪用來化解豬肉膩意。

Yayakiya

地址:尖沙咀漆咸道29-31號(近赫德道)(顯示地圖
營業時間 :星期日至三12nn-2:30pm,5:30pm-1am;星期四至六12nn-2:30pm,5:30-2am

延伸閱讀:

【尖沙咀】韓食新玩法!吊住食88cm鐵版串燒
【中環】後街下町風味 揀手日本酒配串燒
 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..