雪糕開箱
雪糕開箱

夏天11款全新口味雪糕開箱feat. Busboy+琳琳 超真實食評!台式粉紅仙人掌雪條/鹹蛋黃珍珠/日式銅鑼燒雪糕 邊款最好食|開你個箱

飲食

廣告

【開你個箱-第一集】暑假咁熱就梗係要食雪糕啦,但市面上咁多款新品雪糕,到底邊款係伏邊款最好食?今次新假期就請來YouTuber Busboy同琳琳,一齊開箱11款全新口味雪糕等冰品,包括熱爆網絡的台式粉紅仙人掌雪條、鹹蛋黃雪條、銅鑼燒雪糕等,超真實食評全無造假,有嗰句就講嗰句!

撰文:GW |拍攝:Tony|來源:新假期編輯部|特別鳴謝:百老匯電器

夏天11款全新口味雪糕開箱 feat. Busboy+琳琳
超真實食評!台式粉紅仙人掌雪條/日式銅鑼燒雪糕

今次開箱先將雪糕分為5組比拼,每組大約會試2-3款,每回合都會對雪糕作出評分,再每輪選出一款晉級,最後再在5組晉級冰品當中揀選邊款最好食,事不宜遲即刻開始啦!

夏天11款全新口味雪糕開箱 feat. Busboy+琳琳,超真實食評!(圖片來源:新假期編輯部)
夏天11款全新口味雪糕開箱 feat. Busboy+琳琳,超真實食評!(圖片來源:新假期編輯部)
(圖片來源:新假期編輯部)
11款全新口味雪糕邊款最好食?!(圖片來源:新假期編輯部)(特別鳴謝:百老匯電器-迷你雪櫃)

Round 1.阿奇儂-鹹蛋黃雪條 vs 丸作食茶-粉紅仙人掌珍珠雪條

第一組有兩款在台灣大熱的雪條,這款鹹蛋黃雪條首次引入香港,由台灣逾半世紀的老字號阿奇儂出品,在煉乳雪糕之中加入鹹蛋黃、芝士及黑糖珍珠,橘啡色的外表睇落非常新奇;第2款則是由台灣超人氣茶飲品牌「丸作食茶」推出,超夢幻粉紅色仙人掌雪條,有酸甜莓果,裡面仲有白玉珍珠,外表非常IG-able!

Round 1.阿奇儂-鹹蛋黃雪條 vs 丸作食茶-粉紅仙人掌珍珠雪條(圖片來源:新假期編輯部)
Round 1.阿奇儂-鹹蛋黃雪條 vs 丸作食茶-粉紅仙人掌珍珠雪條(圖片來源:新假期編輯部)
(圖片來源:新假期編輯部)
兩款都是台灣人氣雪條(圖片來源:新假期編輯部)

先由鹹蛋黃雪條試起,一打開,強烈的味道就即時飄出…

Busboy:「哇好臭呀呢個,好似啲中秋節月餅雪咗3個月咁,真係有小小反胃」、「但咬耐咗無晒啲鹹蛋黃味,啲珍珠係幾好食」、「但食食吓又幾好味」

琳琳:「想像唔到鹹蛋黃凍食係咩味…」、「我接受唔到」、「btw啲珍珠好煙韌,好味!」

Busboy:哇好臭呀呢個!!!!(圖片來源:新假期編輯部)
Busboy:哇好臭呀呢個!!!!(圖片來源:新假期編輯部)
珍珠好味(圖片來源:新假期編輯部)
珍珠好味(圖片來源:新假期編輯部)
(圖片來源:新假期編輯部)
煉乳配上鹹蛋黃,始終有小小怪怪哋。(圖片來源:新假期編輯部)

再試埋超夢幻粉紅仙人掌雪條,少女心包裝袋一打開,裡面的雲石紋漸層超級靚!

Busboy:「個包裝好靚」、「好食喎但係好重奶味」、「啲珍珠係鹹蛋黃嗰隻好食啲」

琳琳:「好似士多啤梨奶」、「但佢啲珍珠無咩味」

再試埋超夢幻粉紅仙人掌雪條(圖片來源:新假期編輯部)
再試埋超夢幻粉紅仙人掌雪條(圖片來源:新假期編輯部)
食到好味嘅嘢即時開心返(圖片來源:新假期編輯部)
食到好味嘅嘢即時開心返(圖片來源:新假期編輯部)
(圖片來源:新假期編輯部)
雲石紋超打卡able(圖片來源:新假期編輯部)

總評:由粉紅仙人掌珍珠雪條勝出,味道外表各方面夠平均,美中不足是白玉珍珠較細粒,煙韌口感不足;鹹蛋黃配雪糕的味道太偏門,未必夠大眾化惹人喜歡。

一致認為粉紅仙人掌雪條勝出(圖片來源:新假期編輯部)
一致認為粉紅仙人掌雪條勝出(圖片來源:新假期編輯部)

購買點:一田超市
售價:阿奇儂-鹹蛋黃雪條 $63.9/3條/丸作食茶-粉紅仙人掌珍珠雪條 $63.9/3條

Round2.樂天-MONAO八天堂忌廉三文治 vs 八天堂吉士忌廉雪米糍

來到第2回合,兩款雪糕都是由樂天與80多年歷史的八天堂麵包店合作推出的產品,八天堂的忌廉包出名香軟,內餡夠足料,今次推出嘅雪米糍及忌廉三文治都令人期待呀!

Round2.樂天-MONAO八天堂忌廉三文治 vs 八天堂吉士忌廉雪米糍(圖片來源:新假期編輯部)
Round2.樂天-MONAO八天堂忌廉三文治 vs 八天堂吉士忌廉雪米糍(圖片來源:新假期編輯部)

先由MONAO八天堂忌廉三文治試起,兩位嘉賓事前都表明不喜歡外面腍,裡面又硬的雪糕三文治,更將雪糕三文治形容為「紙皮雪糕」,就睇吓味道有無驚喜啦!

Busboy:「哇真係紙皮嚟㗎」、「個皮好腍」、「佢入面個雪糕好甜呀!!!」

琳琳:「點解有粟米味嘅…」、「我未食過三文治出面係粟米味」

Busboy:「哇真係紙皮嚟㗎」(圖片來源:新假期編輯部)
Busboy:「哇真係紙皮嚟㗎」(圖片來源:新假期編輯部)
外皮有粟米味(圖片來源:新假期編輯部)
外皮有粟米味(圖片來源:新假期編輯部)
(圖片來源:新假期編輯部)
睇落脆但其實好腍(圖片來源:新假期編輯部)

之後試埋吉士忌廉雪米糍,以八天堂最有名的吉士泡芙作概念,雪見大福的內層有吉士忌廉味雪糕配上吉士流心,一於睇吓佢流唔流!

Busboy:「幾好味,呢個好食好多」、「呢個無咁甜」

琳琳:「都有流心嘅,仲有雲呢嗱雪糕喺入面」、「好味!」

試埋吉士忌廉雪米糍(圖片來源:新假期編輯部)
試埋吉士忌廉雪米糍(圖片來源:新假期編輯部)
(圖片來源:新假期編輯部)
外皮煙韌(圖片來源:新假期編輯部)
(圖片來源:新假期編輯部)
餡料半流心(圖片來源:新假期編輯部)

總評:由吉士忌廉雪米糍勝出,雪米糍外皮夠煙韌,內裡餡料有半流心,食落唔會太甜,但味道同普通雲呢嗱餡無咩分別,食唔出吉士味,但總體不過不失;而忌廉三文治外皮太腍,裡面太甜,食完有小小失望。

一致認為雪米糍Win(圖片來源:新假期編輯部)
一致認為雪米糍Win(圖片來源:新假期編輯部)

購買點:7-Eleven
售價:MONAO八天堂忌廉三文治 $22/樂天吉士忌廉雪米糍 $25

Round 3.井村屋-布甸味卷蛋銅鑼燒 vs 叄拾士多芫茜海鹽雪糕

第三回合由井村屋布甸味卷蛋冰凍銅鑼燒對上叄拾士多推出的芫茜海鹽雪糕,雖然兩款性質不太一樣,但兩款都有獨特風味,一於試試佢!

Round 3.井村屋-布甸味卷蛋銅鑼燒 vs 叄拾士多芫茜海鹽雪糕(圖片來源:新假期編輯部)
Round 3.井村屋-布甸味卷蛋銅鑼燒 vs 叄拾士多芫茜海鹽雪糕(圖片來源:新假期編輯部)

先由芫荽雪糕試起,由叄拾士多推出的這款芫荽雪糕可謂「荽人」福音,網絡上流傳荽味極重,但琳琳與新假期主持Kelly都不太好芫荽,所以就由Busboy率先試食!

Busboy:「好重芫荽味呀但好鹹呀呢個」、「如果無海鹽可能更好食!」、「好似打邊爐湯底,再落芫荽,之後再雪做雪糕」

琳琳:「好荽呀呢個,已經唔係鹹唔鹹嘅問題」、「好難食」、「Ohmygod!!」

由芫荽雪糕試起(圖片來源:新假期編輯部)
由芫荽雪糕試起(圖片來源:新假期編輯部)
哇~~~~~唔得喎(圖片來源:新假期編輯部)
哇~~~~~唔得喎(圖片來源:新假期編輯部)
兩位唔食芫荽嘅人唔信邪,結果可想而知(圖片來源:新假期編輯部)
兩位唔食芫荽嘅人唔信邪,結果可想而知(圖片來源:新假期編輯部)
食完真係要灌水!!(圖片來源:新假期編輯部)
食完真係要灌水!!(圖片來源:新假期編輯部)
(圖片來源:新假期編輯部)
仲有滿滿芫荽碎(圖片來源:新假期編輯部)

食完芫荽雪糕再試埋布甸味卷蛋,由鬆軟的銅鑼燒餅皮包裹著軟嫩雞蛋布甸味雪糕,表面再淋上一層晶瑩剔透的焦糖醬,裡面有方便食用的可撕式紙托,非常適合打卡,因為好睇又好食,剛在日本上市時更長期被橫掃一空!

Busboy:「好似熱香餅夾住雪糕上面再擺糖漿」、「呢個好味喎」、「個食法男人可能會嫌麻煩(又要撕開又要褪出嚟)」

琳琳:「我唔鍾諗食外面嗰層海綿蛋糕」、「同埋太甜呀(焦糖醬)」

布甸味卷蛋(圖片來源:新假期編輯部)
布甸味卷蛋(圖片來源:新假期編輯部)
外表同入面都有驚喜(圖片來源:新假期編輯部)
外表同入面都有驚喜(圖片來源:新假期編輯部)
(圖片來源:新假期編輯部)
似熱狗咁(圖片來源:新假期編輯部)
(圖片來源:新假期編輯部)
Busboy:「好似熱香餅夾住雪糕上面再擺糖漿」(圖片來源:新假期編輯部)

總評:井村屋布甸味卷蛋勝出,而且是必試之選!外層蛋糕軟綿,與裡面的焦糖醬超級襯,食法好有少女心夠晒打卡able;芫荽雪糕的話荽味夠重,但如果減少海鹽比例的話會更高分。

一致認為井村屋布甸味卷蛋勝出(圖片來源:新假期編輯部)
一致認為井村屋布甸味卷蛋勝出(圖片來源:新假期編輯部)

購買點:一田超市、叄拾士多
售價:井村屋-布甸味卷蛋銅鑼燒 $50/3件/叄拾士多芫茜海鹽雪糕 $30/杯、$50/2杯

Round 4.Nutter-花生醬雪糕 vs Nutter-開心果味雪糕

第4回合有由The Nutter Company推出的花生醬及開心果味雪糕,Nutter是香港本地手工品牌,主要製作果醬、堅果醬等天然食材,今次就將花生及開心果果仁研磨成醬後融入雪糕,不知道夾定唔夾呢?

Round 4.Nutter-花生醬雪糕 vs Nutter-開心果味雪糕(圖片來源:新假期編輯部)
Round 4.Nutter-花生醬雪糕 vs Nutter-開心果味雪糕(圖片來源:新假期編輯部)

先由花生醬海鹽味開始,呢款雪糕由頂層開始已經鋪滿花生碎,勁足料!

Busboy:「哇好濃好鹹呀」、「似平時搽麵包啲花生醬雪凍咗咁」、「但個味係正常嘅,就係因為太正常,無咩特別」

琳琳:「聞落好香花生醬味」、「食落好濃呀(厭惡樣)」

好多花生碎(圖片來源:新假期編輯部)
好多花生碎(圖片來源:新假期編輯部)
(圖片來源:新假期編輯部)
滿滿的花生碎,超足料(圖片來源:新假期編輯部)

開心果味同樣足料,一打開就滿滿的開心果碎,非常有農曆新年氣氛!

Busboy:「呢個味好啲囉(比起花生醬)」

琳琳:「可能我食唔慣啲腍嘅果仁,口感有小小奇怪」、「兩款都好濃好足料,但鍾唔鍾意咁濃真係見仁見智。」

開心果味同樣足料(圖片來源:新假期編輯部)
開心果味同樣足料(圖片來源:新假期編輯部)
(圖片來源:)(圖片來源:新假期編輯部)
開心果滿滿(圖片來源:新假期編輯部)
(圖片來源:新假期編輯部)
連雪糕入面有滿滿的開心果碎(圖片來源:新假期編輯部)

總評:開心果味勝出(Busboy棄權)!兩款都超足料,上面鋪滿果仁碎,開心果味相對較淡易入口,花生醬味太濃未必人人能夠接受。

Busboy表示棄權,兩款都唔太鍾意(圖片來源:新假期編輯部)
Busboy表示棄權,兩款都唔太鍾意(圖片來源:新假期編輯部)
主持:有無考慮過我感受?(圖片來源:新假期編輯部)
主持:有無考慮過我感受?(圖片來源:新假期編輯部)

購買點:The Nutter、叄拾士多
售價:$42/1杯、$78/2杯

Round 5.Godiva伯爵茶 vs 檸檬紅茶 vs 夏威夷果仁

Godiva最出名就係朱古力,在最後的第5回合就一次試晒3款全新Godiva盛夏限定朱古力雪條,包括檸檬紅茶風味黑巧克力軟心雪條、還有換上新包裝的伯爵紅茶風味杏仁黑巧克力軟心雪條及夏威夷果仁黑巧克力軟心雪條!

Round 5.Godiva伯爵茶 vs 檸檬紅茶 vs 夏威夷果仁(圖片來源:新假期編輯部)
Round 5.Godiva伯爵茶 vs 檸檬紅茶 vs 夏威夷果仁(圖片來源:新假期編輯部)
齊齊試食(圖片來源:新假期編輯部)
齊齊試食(圖片來源:新假期編輯部)

Busboy:「夏威夷果仁最普通,普通一個朱古力雪條,無咩特別,朱古力度數高小小囉」、「佢呢隻唔係茶餐廳嘅檸檬茶味,而係西餐嗰隻茶」、「我記得係咩味啦,係細個飲嘅冰紅茶!!」

琳琳:「好清呀佢個檸檬茶」、「伯爵茶超好食、茶味超香!」

夏威夷果仁最普通(圖片來源:新假期編輯部)
夏威夷果仁最普通(圖片來源:新假期編輯部)
(圖片來源:新假期編輯部)
軟心不太明顯,要食到好中間先有(圖片來源:新假期編輯部)
(圖片來源:新假期編輯部)
但食到中間又已經融得七七八八,會食到好污糟咁!(圖片來源:新假期編輯部)

總評:伯爵茶Win!3款口味伯爵茶排第1,茶味最香最濃,但軟心就唔多覺;第2是檸檬紅茶,食到黃色軟心,但茶味就無咁濃;而夏威夷果仁就普普通通不過不失,無咩驚喜,試兩款茶味好過。

伯爵茶兩票,檸檬紅茶一票!(圖片來源:新假期編輯部)
伯爵茶兩票,檸檬紅茶一票!(圖片來源:新假期編輯部)

購買點:GODIVA專門店、7-Eleven
售價:$40/1支

最後大評分!

經過5回合的龍爭虎鬥後,由每回合挑選出來的優勝冰品進入最後投票!最後由井村屋布甸味卷蛋冰凍銅鑼燒得到兩票勝出,丸作粉紅色仙人掌雪條得到第2。

Busboy:「所有嘢我就覺得呢個最有驚喜(布甸味卷蛋銅鑼燒)」

琳琳:「我本身最鍾意嘅就係士多啤梨味同埋重牛奶味,加上白玉珍珠好食,配上雪糕口感好夾。」

最後大評分!(圖片來源:新假期編輯部)
最後大評分!(圖片來源:新假期編輯部)
最後由井村屋布甸味卷蛋冰凍銅鑼燒得到兩票勝出(圖片來源:新假期編輯部)
最後由井村屋布甸味卷蛋冰凍銅鑼燒得到兩票勝出(圖片來源:新假期編輯部)

必試指數(5星為滿分):

1.阿奇儂-鹹蛋黃雪條 必試指數:★★★☆☆

2.丸作食茶-粉紅仙人掌珍珠雪條 必試指數:★★★★★

3.樂天-MONAO八天堂忌廉三文治 必試指數:★★☆☆☆

4.樂天-八天堂吉士忌廉雪米糍 必試指數:★★★★☆

5.井村屋-布甸味卷蛋銅鑼燒 必試指數:★★★★★

6.叄拾士多-芫茜海鹽雪糕 必試指數:★★☆☆☆

7.Nutter-花生醬雪糕 必試指數:★★☆☆☆

8.Nutter-開心果味雪糕 必試指數:★★★☆☆

9.Godiva-伯爵茶 必試指數:★★★★☆

10.Godiva-檸檬紅茶 必試指數:★★★☆☆

11.Godiva-夏威夷果仁 必試指數:★★☆☆☆

今次開箱就差不多啦,歡迎大家於新假期周刊Facebook及Instagram的inbox提供下次想開箱的東西,做到一定會做,小編幫緊你幫緊你!

食雪條食到個頭有啲痛,掰掰啦!(圖片來源:新假期編輯部)
食雪條食到個頭有啲痛,掰掰啦!(圖片來源:新假期編輯部)

特別鳴謝:百老匯電器
迷你雪櫃購買連結:按此

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..