兆禧商場
兆禧商場

屯門兆禧商場宵夜好去處!16檔掃街小食營業至凌晨 鹽酥雞/芝士腸粉/泰式串燒|周末好去處

飲食

廣告

屯門兆禧商場是該區最近新蒲點,翻新完畢後加入兆禧食坊,內有16檔掃街小食,有台灣小吃鹽酥雞、泰式串燒、芋圓甜品等包羅萬有,營業至凌晨12點,屯門友無論醫肚或宵夜都是不錯的選擇!

撰文:Lu|攝影:Cliff

屯門兆禧商場翻新完成!
Hea住掃街 宵夜好去處

兆禧商場去年年尾開始翻新工程,終於在上月開幕與街坊重新見面,翻新後兆禧苑停車場上蓋變為40,000呎的多用途運動場,除了設有籃球架外,更加入平衡車概念,場地夠闊落,大家想打羽毛球、跳跳舞,點放電都得!而商場地下為小食街兆禧食坊,內有16間食店,其中包括炸雞扒、腸粉等掃街小食,也有坐下來慢慢歎的茶餐廳,餐飲選擇十分多。小食街亦照顧各位夜貓、遲收工街坊的需要,營業至凌晨12點,以後宵夜又多個好去處啦!

兆禧商場
兆禧商場6月尾翻新完成,地下的兆禧食坊有16檔食店及掃街小食,場外有不少座位讓街坊坐低慢慢歎,營業至凌晨12點,宵夜嚟都得。

16檔掃街小食
1. 石磨腸粉專門店

「腸鮮」是石磨腸粉專門店,早前已在葵涌廣場開過店,因為獨創新穎口味,頗有人氣。腸粉粉漿由師傅每日新鮮磨製,每份腸粉即叫即蒸,招牌是芝士岩漿車打海鮮腸,用上拉絲車打芝士,再唧芝士醬,海鮮份量足。保守一點,也有永不出錯的手撕雞腸粉,麻油香濃,記得一定要加老闆的秘製醬汁,辣汁帶勁夠惹味,香濃汁蒜味突出,配腸粉一流。店內也有數款老闆的家鄉小食,如煙韌的海豐小米餃、味香的牛肉餅湯,款款誠意十足。

掃街小食
(左)麻香手撕雞腸 $28、(右)超邪惡岩漿車打海鮮腸 $35
腸粉
腸粉即叫即蒸,新鮮熱辣。
掃街
吃時記得加秘製醬汁,更滋味!

2. 台灣菜小店

「小英滷肉」主打台灣菜,有滷肉飯,也有即叫即炸鹽酥雞,推介炸物拼盤,一份$24有齊炸玉子豆腐、炸杏鮑菇、鹽酥雞,各有4至5件,夠香口惹味,抵食!蛋餅同樣有人氣,有肉鬆、芝士、火腿等10款自選組合。飯麵方面則有台式葱油拌麵、牛肉麵、肉燥飯等,另外店子亦有滷水拼盤,一份有雞翼、滷蛋、牛𦟌等5款配料,十分豐富!

屯門
(左)蛋餅 $14起、(右)炸物拼盤 $24
掃街
蛋餅有10款配料可選,價錢由$5至$8不等,記者選了肉鬆、炒蛋和芝士,一份4件。

3. 宵夜必食泰式串燒

離遠就聞到這家泰式小店的串燒香,「泰美食」顧名思義以泰國菜為主,即場燒的串燒選擇有超過40款,每串低至$8起,肉類、海鮮、蔬菜都有,例如雞翼、羊架、豬頸肉、韭菜、茄子、司華力腸等等,食到口渴,也有各式沙冰、水果冰等選擇,是宵夜的不二之選!

宵夜
各式串燒 $8起
師傅落足心機燒,每款都灑點辣粉,更惹味。
屯門
即叫即燒,保證夠熱,不過就要點耐性等啦!

4. 選擇勁多芋圓甜品

掃街總要來點甜品收尾,「甜點糖水坊」有一系列中西式糖水,選擇超多,最受歡迎的莫過於芋圓系列,可加小丸子、珍珠、椰果等配料,糖水底更有芝麻糊、豆腐花等,最抵食就是「幸福八寶」,一碗大大份,有齊8款配料,選擇困難症要呢款就沒錯了!另外店內也有千層蛋糕、各式糯米糍等人氣港式甜品,總有一款合心意。

芋圓
(左)鮮芒芋圓系列B5 $42、(右)幸福八寶系列 $48
甜品
榴槤千層糕 $32
兆禧商場
芒果糯米糍 $16起(分小、大、特大)

5. 地道港式小食店

「兆禧店」在屯門碼頭紮根超過20年,是商場翻新前就已經存在的老店,深受街坊歡迎,這次翻新後重開,一如以往賣地道的香港街頭小食,腸粉、燒賣、撈麵,價廉物美,老闆娘亦十分親切,不時和街坊吹水閒聊。另外一間港式小食店「友德撈」,招牌是炸醬撈麵,配料多多,碗仔翅、煎釀三寶等經典小食都有,不要錯過啦!

兆禧商場
(兆禧店)燒賣腸粉 $12
兆禧食坊
(友德撈)碗仔翅 $20

6. 台灣過江豪大大雞排

由台灣過江的「豪大大雞排」在各區都有分店,這次出現在屯門區內做街坊生意,招牌雞扒大大塊,即叫即炸,脆卜卜又夠肉地!嫌雞扒太油膩,也可試試其他炸物小食,例如脆皮花枝丸、地瓜條等,同樣香口過癮!

掃街
大雞排 $33
掃街小食
甘梅地瓜 $20/份

7. 手打芝士漢堡

在商場街市都可以吃到漢堡包!「叁堡」店內有多款漢堡包,賣點是手打漢堡肉,塊塊足料厚切,雙層牛肉蛋漢堡的尺寸巨型,兩塊漢堡肉加芝士、雞蛋、麵包,口再大也不能一口吃盡全部材料!每款漢堡都配套餐,有薯條或牛油粟米,同時包盒裝飲品,價錢由$38起,都幾抵食!

屯門
雙層牛肉蛋漢堡套餐 $60(罐裝可樂另加$3)

8. 日式丼飯小食

「日本駅和食」是場內一間主打日本菜的小店,餐牌大多為日式丼飯、烏冬和拉麵,例如燒鰻魚飯、豚肉烏冬、吉列豬扒咖喱飯等,也有不少日式小食,比如讓人停不了口的雞軟骨唐揚,十分酥脆。小店亦有日式熱狗,用日式餡料配搭,口味創新,有咖喱牛肋肉、鰻魚玉子等,十分特別。

屯門小食
火炙鰻魚玉子熱狗 $23
小食
吉列廣島蠔 $29/3隻

9. 解渴茶飲

每個掃街食場都必備一間茶飲店,「手作功夫茶」茶類選擇雖然不算多,但是人氣的水果茶、黑糖珍珠奶茶等都有,另有台式風味的飲品比如冬瓜茶、四季春等原茶類。

掃街
(左)特濃黑糖波霸鮮奶 $32、(右)輕飲水果茶王 $32

10. 日本刺身手卷

現時新開的小食街有刺身食是基本!「叁嵐」主打刺身飯,配料超過40款,由赤蝦、帶子、吞拿魚等魚生,到螺肉、中華沙律等小菜都有,更附送紙包飲品。店子也有海膽手卷,不過暫為限量供應,想食要趁早啦。

屯門
三色刺身飯 $58
兆禧商場
海膽手卷 $35

商場內仲有4萬呎籃球場,更多詳情:全港首個「籃球X 平衡車」多用途運動場登陸屯門兆禧!免費入場+佔地逾4萬呎+彩色打卡位|香港好去處

兆禧食坊

地址:屯門湖翠路201號兆禧苑商場地下(顯示地圖
營業時間:星期一至日 9am-12mn
Facebook:兆禧食坊

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..