【自助餐放蛇起底組】 買一送一Buffet ! 佐敦酒店$269位 任食生蠔+鹹鮮蟹腳+片皮鴨

飲食

廣告

佐敦這間酒店周不時都會推出自助餐優惠,最近晚市竟然有 買一送一Buffet ,優惠仲做到年尾,計埋加一後除開都只是$269/位,除了有大隻多肉的美國蠔和鹹鮮十足的蟹腳外,還有刺身、片皮鴨和Dreyer’s雪糕等,3小時內可以密密狂食,即睇記者的試食報告!

撰文、攝影:放蛇組

買一送一Buffet :五款海鮮不停refill 大隻鹹鮮蟹腳

第一時間當然要去海鮮區報到,有5款海鮮!問了師傅,當日供應的是美國蠔,都幾大隻,夾光亦不用擔心無得食,因為有師傅會不時由廚房行出來check,等等就有refill。美國生蠔的海水味和蠔味較淡,但勝在大隻有少少肉地,而且好滑身,好想一啜就吞,但可惜吃了6隻有5隻都有蠔碎,難以好好享受。反而蟹腳有驚喜,食落仲有澎湃鹹鮮的海水味,而且size又夠大,有好多蟹肉。

買一送一Buffet

五款海鮮有生蠔、蜆、海蝦、青口和蟹腳,有師傅密密望着海鮮區,被人夾了少少又會堆返好,清空了又會好快手refill。 DSC_5974

當日的是美國生蠔,大隻和肉質飽滿,而且質感很滑,可惜吃了6隻有5隻都有蠔碎。

DSC_6051

反而蟹腳有驚喜,鹹鮮味十足,而且腳夠長有好多肉,亦有refill,不過這一堆蟹腳都好快給人清空。

刺身亦有5款,有少見的白豚,好有油香,不過可惜刺身雪得不夠凍。另外還有包裝好的件裝壽司,似足外賣店,味道亦似足外賣店,飯糰雪到好硬,超伏。

DSC_6046

五款刺身都是即叫即切。

擷取3

 

DSC_6037

刺身旁有一堆包裝好的壽司。 DSC_6040

但飯糰似雪了三日,硬梆梆。

即切片皮鴨+龍蝦雞粥 熱盤多特色:焗蠔+燒羊鞍

熱盤最吸引的是有片皮鴨,但清得好快,不過都有refill,前前後後碼用了3隻鴨。鴨肉即切,和荷葉餅一樣都是熱辣辣,有大葱、青瓜和甜麵醬可以添加。雖然熱辣辣,但凍得亦快,拎完要快點行返位,鴨肉不老,有油香且不肥膩,唔錯喎。另外亦有即製的燕窩龍蝦海鮮雞粥,雞粥配料落得重手,有好多龍蝦和雞件,不過由於是粥和海鮮是分開煮熱再倒在同一碗,所以味道是粥還粥、料還料,偏清淡。

DSC_6059

即切片皮鴨,前前後後見師傅起碼切了三隻有多。 DSC_6067

有大葱、青瓜條和甜麵醬可按個人口味添加。 DSC_6075

燒牛肉也是即切,有咬口。 DSC_5990

燕窩龍蝦海鮮雞粥雖然有滿滿的配料,最多的是龍蝦肉和雞件,但味道是粥還粥、料還料,溝唔埋。

熱盤約有十多款,有大路的焗蠔、燴牛肉和香草燒羊鞍,亦有較特別的茶樹菇煲雞、蘿蔔花螺煲和日式燒鯖魚等,質素正常。推介香草燒羊鞍,羊肉肉質大件得來好有彈性,羊羶味不太重;而茶樹菇煲雞有淡淡甘香,湯料落得重手,食完海鮮和刺身後,最啱飲啖熱湯再食過!

DSC_6021

美式焗蠔,其實是一堆粟米、香腸和千島醬,基本只吃到千島醬的味道。 DSC_6007

香草燒羊鞍好大塊,肉質有彈性,羊羶味不是太重。

DSC_6017

茶樹菇煲雞舀到底都見有很多雞件,幾足料,飲落較清香,有回甘。

DSC_6001

蘿蔔花螺煲

DSC_6010

日式燒鯖魚

三款Dreyer’s雪糕 即整雪花冰+玻璃樽汽水任飲

甜品除了基本的小蛋糕、布甸和泡芙外,記得要食即整雪花冰,放蛇當日是朱古力味,朱古力味超級濃郁,記者估有60~70%濃度,還有生果粒、oreo碎等topping可以DIY。另外還有三款Dreyer’s雪糕,不過手快有手慢無,約9pm便只剩兩杯。

擷取2

即製雪花冰,當日的是朱古力味,有各款topping可DIY。

DSC_6095

Dreyer’s雪糕任食,但想食要快手,約9pm就只剩兩杯。 DSC_6098

芒果蛋糕

DSC_6100

麵包布甸 DSC_6084

凍櫃內有乳酪、泡芙和冬甩等甜品。

DSC_6032

有各款玻璃樽裝汽水,不過整個雪櫃放在片皮鴨旁邊,有點隱蔽。

擷取1

還有各款果汁、咖啡和茶任飲。

總結:海鮮和刺身各有5款,生蠔雖然密密供應,是多肉的美國蠔,不過6隻有5隻都有蠔碎,不能暢快狂吞,蜆到後尾再翻啅時有隻超多沙!最好食的是蟹腳,多肉又夠鹹鮮。其他刺身都ok,熱盤很有特色,質素平穩,又有片皮鴨、雪花冰和Dreyer’s雪糕等。不過任食雖然是由6:30pm食到9:30pm,但到8:45pm左右都陸續暫停refill,不太滿足。平日都只是$269/位(已計加一),但提提大家,打電話訂座時長期處於繁忙狀態,不過只要在幾分鐘內不停redial(記者試了兩次都成功),就好大機會撞彩有人接聽。

一句到尾:買一送一對得住個價錢!

DSC_5977

園林閣咖啡室

地址:尖沙咀柯士甸道8號龍堡國際UG層(顯示地圖
電話:2378 7672/2378 7673
環球美食自助晚餐供應時間:6:30pm-9:30pm

收費:
星期一至四:$448(買一送一折後價$268.8)
星期五、六、公眾假期及前夕:$468(買一送一折後價$280.8)
用餐時間:3小時

備註:收加一,買一送一優惠至12月31日(12月24及25日除外)、最多可供12人使用、需預訂及列印折扣券

 

延伸閱讀:

【自助餐放蛇起底組】旺角酒店任食生蠔3小時!喪啜手掌咁大勁creamy美國生蠔

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..