酒店污糟百態 今次瀨嘢嘅係美國Courtyard Marriott,雖然網上盛傳,截稿前未見集團公關出嚟回應。
酒店污糟百態 今次瀨嘢嘅係美國Courtyard Marriott,雖然網上盛傳,截稿前未見集團公關出嚟回應。

酒店污糟百態 咪大驚小怪!@杜遊珍

博客

廣告

上禮拜外國網站流傳,有萬豪酒店住客喺被單下發現字條,「If you’re reading this, housekeeping did not change your sheet!」。上一手係住容留下墨寶溫馨提示,引證執房員無換床單,惹來網民喴嘩鬼叫。其實無換床單有咩出奇,酒店房污糟向來係公開嘅秘密!所以阿珍去親旅行,電話、浴簾、衣架統統少掂,但係毛巾、杯具同浴缸有時真係避無可避!過來人喺討論區爆料,執房時間緊迫,阿姐有時會偷雞用同一條毛巾抺地、洗面盆、馬桶一抺到底⋯⋯見浴缸無水漬就詐諦洗咗,積積埋埋唔知隔落幾多手無洗,你仲敢響入面鴛鴦戲水?!況且清潔次序無嚴格規管,通完廁所緊接戴住膠水套捽杯具大有人在。

濕濕碎的酒店污糟百態

所以話,床單無換算係濕濕碎,飲用水杯或者啷口盅先係最嘔心。不過除咗「眼不見為乾淨」都無咩應對辦法,惟有盡量自備毛巾,杯具先用滾水燙下,但浴缸就始終係勿近為妙!對於以下亂象,任職酒店Front Desk嘅姐妹朋友C聽完大叫平反,話「住客自身都唔好得去邊」喎,一副「沒有誰比誰高尚」嘅戰鬥格,即管睇埋下期點講!

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線