價值 Vol.11 ＠ Permanenze
廣告
終於，大家都走返埋一齊。
同日夜晚，大家已經身處 Permanenze 既總部（studio）。好奇心驅使下，眾人慢慢走出紙箱，四圍行下、睇下。
只見身處喺一間好細既房，而房中間擺左一張大檯，檯面放左好多唔同種類既工具。
只見身處喺一間好細既房，而房中間擺左一張大檯，檯面放左好多唔同種類既工具。
「嘩，佢地好似想將我地拆骨⋯⋯」爬到檯面既飲筒話。
突然大家都好擔心，就係呢個時候，有個龐然巨物一步一步咁行近，背住窗外既月光既佢令所有人都見唔到佢個樣。
「你地好。」巨物。
「咳，可以行過少少麻？」鉛筆膽大大咁行近同佢講。
「呀，唔好意思，原來我遮晒個月光。」巨物。
巨物行過些少，令月光照到所有人，而大家都見到巨物身上既圖案。
「哦，佢叫燒腩丸。」扭蛋講。
「……其實好多人類都叫我鐵盒，你地都可以咁叫我既。」巨物介紹返。
「咁你做咩架？」扭蛋問。
「我⋯⋯用黎放雜物架。」鐵盒答。
「比人打開過未？」扭蛋再問。
「開過喇，人類食晒入面既野之後，就用左我黎放卡片。」鐵盒答。
「哦，因為你有新既用途，所以就無死到。」鉛筆發現。
翌日，Permanenze 果三個人返去佢地既總部，佢地好 Hea，做野好慢，傾計多過做野。
而飲筒扭蛋佢地返左入箱度，所以聽唔清楚佢地三個講緊咩野，於是叫左身形最纖瘦既鉛筆同飲筒去偷聽。
「咁啦，呢個位開始剪啦。」Alize 指示。
