Game迷好消息！Monster Hunter Now登陸手機 照相功能+AR玩家與魔物埋身「接觸」？！
突發！突發！香港各區出現巨形魔物！市民爭相埋身打卡？！唔好似為怪獸襲地球只喺科幻電影出現，最近Monster Hunter Now登陸手機，照相功能同AR技術結合，玩家可以好似Pokémon GO嘅方式出外狩獵，同時探索所在嘅城市，巨形魔物超真實闖入現實世界，玩家喺鏡頭下同魔物「全接觸」，令你沉浸喺Monster Hunter Now嘅異世界！
去深水埗、太空館打怪獸？
遊戲最好玩嘅地方就係進入遊戲時所顯示嘅定位就係玩家真實嘅地理位置，當玩家四處走動時就會遇到各種唔同嘅奇妙魔物，你可以去去深水埗、太空館都可以搵到魔物，就好似喺現實世界冒險狩獵一樣，真實感十足！
而Monster Hunter Now嘅攻擊操作喺手機上大幅簡化，只需要用手指點擊滑動就可以進行所有動作。如果玩家遇上魔物但無時間狩獵，可使用道具「染色球」將魔物保留起來後再稍後狩獵都得！真係趕返學返工時見到魔物都唔會怕遲到呀~
75秒刺激戰鬥感
每場戰鬥限時最長為75秒，雖然短短一分幾鐘但都完全體驗到傳統魔物獵人風格嘅激烈戰鬥感！另外除咗喺散落城市嘅採集點蒐集原石、骨頭、植物等素材，狩獵大大小小嘅魔物亦可得到唔同嘅素材以生產同埋強化裝備，令玩家越戰越勇！
與其他玩家連線「屠龍」
Monster Hunter系列其中一個精粹，在於與其他玩家連線「屠龍」，Monster Hunter Now都保留返呢個玩法，為咗方便面對面地「實體組隊」，更推出QR Code組隊同埋邀請附近獵人一齊狩獵等功能，刺激感十足！
12月魔物新登場！
Monster Hunter Now 12月上線後嘅首次大型更新「雪花散亂之碧雷」會新增2種新武器種類包括：雙劍、長槍，仲有有4種新魔物登場包括：骨鎚龍、猛牛龍、冰牙龍及雷狼龍！喺完成特殊任務內各章出現嘅緊急任務後，骨鎚龍、猛牛龍、冰牙龍就會出現喺原野上，雷狼龍除咗喺緊急任務外，更會喺新內容「大型連續狩獵」中出現添！
聽完好想立即試玩？快啲即刻download個game率先試玩啦！
Android：https://shorturl.at/hzHLU
(Presented by Niantic)
圖片來源：官方圖片
