波音777
波音777

777揀位攻略 四種座位唔好揀!@杜遊珍

博客

廣告

今時今日,上網買機票、自己揀座位已成為旅人嘅「 新常態 」;不過阿珍發現,身邊老友 好多都唔識揀位,上到機先發現座位又嘈又窄、派餐慢廁所遠,成程機苦過弟弟!嗱,阿珍睇開嘅旅遊格價網KAYAK就同一班密密飛的空姐做過調查,針對香港人搭得最多嘅波音777,揭露機艙內最劣騎呢座位;以下4種seat位,記住避得就避!

 
空姐派餐肯肯定由頭或尾開始,永無中間;於是乎坐正係經濟艙中央的你,恭喜晒,派到你時分分鐘已經無得揀餐。

機尾乘客可以選擇用前後兩個廁所,反而經濟艙前排的乘客只有 一個最近選擇,咁好彩如果有人用緊,你就要行到機尾嘞!

近廁所,多人出入自然比較嘈;加上pantry就喺後面,空姐沖茶派餐就喺後面準備,而且座位一般都較窄。想去廁所方便,點都有啲犧牲!

一心坐入窗口位睇風景,坐正呢幾行就中伏嘞!皆因777的機翼大,你只會見到開開合合的飛機襟翼,同景色無緣!

航空公司用戶

國泰、華航、大韓、ANA 及新航等

熱門航線

台北、新加坡、首爾、大阪及北海道等

詳細版網上睇!

四大劣評座位之外,尚有最靚景、最闊落筍位介紹,篇幅所限未能盡錄,大家可瀏覽旅遊格價網KAYAK的部落格足本睇!
KAYAK‧網址:kayak.com.hk/news/
延伸閱讀:

搞錯! 機艙 愈縮愈細 乘客怪招爆笑自救@杜遊珍

最新吃喝玩樂資訊