$158任飲任食冬蔭公火鍋|九龍灣「泰」驚喜|@DINING娜

博客

撰文:Dining娜 攝影:Bobo

(Presented by 鳴門集團)

上星期收到朋友報料,話九龍灣有間泰國餐廳晚市buffet做特價,$158就可以有兩小時任飲任食泰式火鍋!$158?就算喺屋邨酒樓劣食打邊爐都未必做到呢個價錢啦!到底呢個傳說中性價比極高嘅泰式buffet有冇料到?立即睇我Dining娜試食報告啦!

推介一.極濃冬蔭公湯底

打邊爐最緊要有個爐之外,更重要嘅就係湯底。呢度有兩款正宗泰式風味嘅湯底任君選擇,喜歡辣嘅朋友可以揀冬蔭公湯,怕辣嘅可以揀椰汁雞湯。Dining娜同朋友都係好辣之士所以order咗冬蔭公湯底!

鍾意重口味嘅朋友,呢度嘅冬蔭公湯底一定啱晒你。據主廚所講湯底比平時飲開嘅冬蔭公味道更濃,酸辣味道更出,簡直色香味俱全。所以大家喺正式開始打邊爐之前,都一人飲咗一碗冬蔭公湯開胃先!

 冬蔭公加上花奶,令湯底更香更滑。
冬蔭公加上花奶,令湯底更香更滑。

推介二.40款火鍋配料任叫任食

SIAM (4)

除咗有好湯,更有好料!唔好以為$158嘅火鍋就會將貨就價,呢度40款火鍋配料任叫任食。由基本嘅肥牛、豚肉、丸類到菜類都一應俱全,當中更有魷魚鬚、墨魚片同鮮大蜆都係任叫!你睇下隻大蜆真係有拳頭咁大!每樣配料索晒冬蔭公味真係食到停唔到口!

 C0050
蔬菜選擇多達十幾款,啱晒我哋呢啲健康人士。

推介三.超豐富沙律甜品吧

SIAM (5)

除咗有熱辣辣嘅火鍋任食,隔籬嘅自助沙律甜品吧都係任食!我Dining娜特別喜愛沙律。呢度有金柚大蝦沙律、青木瓜鳳爪沙律、泰式海鮮沙律、泰式豬頸肉沙律,全部都非常出色。甜品方面就有椰汁西米糕、斑蘭千層糕同泰式啫喱。另外仲有生果盤俾大家refresh一下口腔。

 雖然沙律甜品吧範圍唔大,但勝在質量高!另設自助飲品吧,汽水啤酒任飲,亦可加錢叫其他泰式飲品如鮮椰青、珍多冰、青檸梳打等等。
雖然沙律甜品吧範圍唔大,但勝在質量高!另設自助飲品吧,汽水啤酒任飲,亦可加錢叫其他泰式飲品如鮮椰青、珍多冰、青檸梳打等等。

同場加映:

 7:30pm後入座,4人同行,再送小食兩碟!當中泰式生蝦刺身爽口啖啖肉;而泰式拼盤亦不過不失!
7:30pm後入座,4人同行,再送小食兩碟!當中泰式生蝦刺身爽口啖啖肉;而泰式拼盤亦不過不失!
 同場再加映:芒果椰汁糯米飯。最後就算幾飽都好,去到每一間泰國菜都必須要食,芒果椰汁糯米飯乜乜乜。加$28即可以歎到嘅芒果椰汁糯米飯。雙色糯米飯甜而不膩,煙煙韌韌。為整個泰式buffet作結最好不過。
同場再加映:芒果椰汁糯米飯。最後就算幾飽都好,去到每一間泰國菜都必須要食,芒果椰汁糯米飯乜乜乜。加$28即可以歎到嘅芒果椰汁糯米飯。雙色糯米飯甜而不膩,煙煙韌韌。為整個泰式buffet作結最好不過。

後記:

呢間泰國餐廳位於九龍灣宏照道國際交易中心,即MegaBox同零碳天地附近,地點就腳,加上附近環境清幽,加添餐廳嘅泰國風味。

 SIAM (9)
因為我哋由5點半開始buffet,所以周圍環境依然好光猛。

埋單嘅時候大家望下張單,每位真係只收$158,仲免收加一,真係「抵食到爆」!最後侍應姐姐提醒我哋,星期六、日都係收呢個價錢,而且經常都full-booking,所以想食記住要盡早訂位。

SIAM AI Fresco Dining

地址:九龍灣宏照道33號國際交易中心2樓3號舖(顯示地圖

電話:2790 3288

2小時任食泰式火鍋:

星期一至日 5:30pm-7:30pm

收費:$158(已包加一服務費)

星期一至日 7:30pm-10:00pm

收費:$188(已包加一服務費)

最新吃喝玩樂資訊