杜遊珍
杜遊珍

搵贊助? 問過旅遊記者未?@杜遊珍

博客

廣告

世上沒有免費午餐,只有未搵嗰幾餐,珍珍我縱橫省港澳多年,見過不少喜歡找著數的客,不過都唔及我的旅遊記者朋友咁把炮,閒閒地每個月找人贊助一萬幾千,環遊世界都唔使一個仙。做報紙的記者A話:「只要唔使錢,公司理得你去廈門定英國,咁死人都要搵啦。」每次出Trip,先要搵機票、酒店,以機票最難搵,雜誌記者A一次要搵三張,畀埋攝影師和Model,撞正係長途,更加難過登天,「魚翅航空最H 口H 面,『你去做故仔關我哋咩事?』都講得出,我即刻想答,咁下次你喺地面食飛機餐唔好預我。」另外,法蘭西等歐洲航空亦唧不出一滴血來,中東航空就最疏爽,但記者A就試過搵到中東機,但要在廣州飛歐洲,計埋自己哽的燃稅和包車上廣州的錢和時間,根本得不償失!

不過呢,旅遊記者話雖狂搵人哋公司著數,都要人哋覺得報道出街後真係有value、有商機先會肯贊助,唔係派幾個like 同share 就當報酬囉!