飲茶
飲茶

飲茶 唔老土 朗豪坊歎Cute爆點心創意小菜@Dining娜

博客

廣告

(presented by Yum Cha)

老老實實,我平時唔多 飲茶 ,怕酒樓又嘈又迫,而且點心來來去去嗰幾款,見到都悶。不過凡事有例外,早幾日陪阿媽去開朗豪坊shopping,畀我喺food court嗰層發現Yum Cha開了新店。咪勁多人喺IG貼相有唔少Cute爆點心嗰間囉!店員話有啲點心、小菜係得朗豪坊新店有得食。梗係唔執輸,要試吓。

中西合璧 巨型graffiti陪你 飲茶

入到去,果然幾潮,open area設計,一大列灰色的絲絨梳化位,唔講仲以為自己去咗西餐廳。牆上幾塊大鏡又畫咗graffiti,可愛得嚟又幾有型。突然,傳來阿媽嘅聲音:「女,乜有點心叫『紅都面埋』?『睇住流奶』又係乜?」「哈哈,呢間店出咗名做自創點心,外面食唔到的,你一陣試吓就知喇!」埋位就點了阿媽睇唔明嘅「紅都面埋」同「睇住流奶」,仲有幾款朗豪店獨賣嘅小菜。

_J3A0325_resize
坐得闊落,梳化位、可愛graffiti令成間餐廳感覺非常年輕。

Cute爆點心 有姿勢味道好實際

蒸籠上枱,一打開,媽媽笑了。「咁盞鬼嘅!」「紅都面埋」原來係用紅菜頭汁染成粉紅色的中式包,上面有對小眼睛同鮮紅蝴蝶結。吃一啖,原來是麻辣豬肉包,唔算辣,幾惹味。至於「睇住流奶」,就係店中招牌熱賣點心,一搣開就見金黃色的奶黃餡漏出來,極多奶黃,果然包如其名。再來的「狗不理腸」竟然係狗仔造型的臘腸卷,真係估你唔到!至於「有色蝦餃」都好吸睛,餃皮上透出紅紅綠綠橙橙的顏色,餃邊仲有金箔,大大隻,蝦非常彈牙,真正皮薄餡靚。難怪連阿媽都忍唔住用手機狂影,話要開心share畀朋友。

 

_J3A0288_resize
$49 紅都面埋(前)$49 睇住流奶(後)兩款包點都搶眼可愛;前者是麻辣豬肉餡,後者是奶黃流沙餡,一甜一鹹,必食!(「紅都面埋」是朗豪坊新店限定)

 

_J3A0283_resize
$59 有色蝦餃用菠菜、甘筍、紅菜頭汁染色,絕對天然,內餡有彈牙的越南蝦,爽口又鮮味,大人細路都喜歡。

 

_J3A0294_resize
$59 狗不理腸原來是臘腸卷,能夠將這種古老而傳統的點心重新包裝,令人會心微笑,大廚實在厲害。

一定要食「朗豪坊新店限定」

以為驚喜到此為止,原來小菜都很精彩。侍應捧來木槌、剪刀、夾子,當住我們面前將雞扑開。再細心剝掉鹽殼、牛油紙和鮮荷葉,即時傳來好香的松露氣味。原來春雞內釀滿炒香的菇菌,淋點黑松露汁同吃,雞很嫩,菌很爽,松露很香。接着上枱的「麻婆水牛」亦好有趣,用西式水牛芝士配經典麻辣肉醬,論質地,水牛芝士比豆腐硬些少,但同麻辣味道一樣咁襯,食到少少奶香,好有趣。還有用砵仔上的「成砵辣牛」,用了安格斯牛小排,鋪上好多辣椒,以為一定好辣,但吃起來麻多辣少,每件牛小排都好軟滑,好香好惹味。

這一餐吃得很滿足,臨走前經過櫃枱,見到有個「睇住流奶」的鎖匙扣,黃色有對眼睛,好可愛,賣$20,扣除成本後撥捐奧比斯,咁有意義,梗要支持吓!

_J3A0322_resize
富貴雞的改良版名為一槌定雞$169,侍應會在席前將雞扑開,記得準備相機。(朗豪坊新店限定)

 

_J3A0342_resize
春雞內釀了蟹爪菇、雞脾菇和冬菇,雞皮上又抹了松露油,難怪一打開,菌香四散,食時加點特別熬製的松露汁,更加滋味。

 

_J3A0306_resize
$109 成砵辣牛,用安格斯牛小排,有辣香,牛肉亦軟滑,連砵底的木薯粉都好好味。(朗豪坊新店限定)
_J3A0298_resize
用水牛芝士取代豆腐,這個「麻辣水牛」($99)創意十足,中西合璧的味道是意想不到的和諧,用來拌飯最正!(朗豪坊新店限定)
_J3A0365_resize
臨走記得用$20帶走「睇住流奶」匙扣,扣除成本,會撥捐奧比斯作慈善用途,很有意義。

 

飲茶(Yum Cha)

地址:旺角亞皆老街8號朗豪坊4A層07號店(顯示地圖)

電話:2818 1099

營業時間:11:30am-11pm