食放題嘅「袋住先」精神@阿CHEAP

博客

廣告

早前鄙人去咗食尖沙咀嘅一間日本放題

佢係一間有MC嘅餐廳,久不久佢就會開咪講下嘢咁
坐低落單冇耐,就每枱都上咗一大盤雜錦刺身同埋一大盤甜蝦刺身
MC話因為落單上菜需時,所以每枱都上兩盤刺身畀我哋「食住先」
問題來了,刺身嚟講,鄙人只食三文魚、帆立貝同甜蝦,雜錦刺身中有好幾樣都係我唔食嘅嘢
而同行友人雖然比較雜食,但其實也只想食三文魚和帆立貝……
不過既然都上咗,又未有其他嘢食,所以我哋決定都係「袋住先」(是很隨便的人)

食放題嘅「袋住先」精神@阿CHEAP

「袋住先」嘅甜蝦刺身非常巨型,成隻手指咁粗咁長,但食落只係普普通通
因為「袋住先」嘅份量非常多,食下食下居然覺得有啲飽飽哋,果然唔應該「袋住先」嗎?(嚇呆)
我要真放題!我要真放題!啊!!!啊啊啊啊啊啊啊!!!!!

食放題嘅「袋住先」精神@阿CHEAP

食食下MC開咪話佢哋有湯派,想要就舉手(有點像街市賣嘢嗰啲派禮物嘅畫面)
食放題飲中湯太詭異了吧,我個人來講是幾鍾意飲湯的,所以覺得沒關係
味道方面冇咩特別

食放題嘅「袋住先」精神@阿CHEAP

 

食食下MC又開咪,話有開魚Show,叫大家出去睇,同埋呼籲大家順便影張相放上FB
呢個年代唔止新聞娛樂化,連飲食界都要娛樂化(點菸)

食放題嘅「袋住先」精神@阿CHEAP

隔一陣又開咪話可以出去排隊攞即切嘅吞拿魚
之後仲有啲其他嘢食都係開咪叫想食嘅人自己出去攞,每次都係大排長龍,鄙人對排隊一事其實覺得挺煩的,所以都懶得攞了

食放題嘅「袋住先」精神@阿CHEAP

最後又係舉手拎嘢食時間,呢個係朱古力心太軟
食落有啲似過濕嘅馬拉糕

PS 其實整體食物嘅質素係OK的,但MC好長氣,實在有啲煩
PS2 舉手同排長龍拎嘢食好似有引起一些人的不滿(因為拎唔到)
PS3 有人生日嘅話會全場熄燈拍手,其實有陌生人生日又關我什麼事呢?(對,我很冷漠)
PS4 這裡的員工好率性,食食下嘢聽到一位員工跟另一位員工說:「X,出唔出去食煙呀?」,你哋唔怕畀老闆聽到咩!

延伸閱讀:去抹茶館食韓國嘢@阿CHEAP