過大海
過大海

「 過大海 」食餐飽@Dining娜

博客

廣告

(Presented by UnionPay)

有friend喺外地返香港要諗帶佢去食乜,平時同朋友gathering又要諗去邊度食,搞到有時大腦、胃口一齊hang機,唔知食乜好。所以呢,啱啱個weekend就同幾個朋友「 過大海 搵食」,relax下度下假,順便搵下澳門有乜嘢好食。無論去邊度旅行,都係搵食大過天,平貴唔緊要,最緊要好食。而澳門可愛之處,就係無論食定住,都有大把選擇。今次我哋就選擇住皇都酒店,見佢位置幾好,近大三巴,離碼頭亦唔遠,夠晒方便。

咁啱呢排銀聯卡做緊promo,好多間澳門食肆都有簽賬優惠,當然要精選其中幾間試下。所以,澳門有乜景點啊、買咩手信啊,離不開官也街、英記餅家,唔多講啦,講番我強項,食!呢個2日1夜小旅行,主要想試比較正宗嘅葡國菜,由本島食到去氹仔,食咗唔少好嘢,連皇都酒店嘅餐廳都試埋,仲幾有驚喜添!等我一邊回味,一邊介紹番啦。

佛笑樓3

齋睇個名,唔知佢同「佛跳牆」有無關係,但幾肯定至少有3間舖啩?出發前,我就用銀聯高端卡嘅全球訂座熱線book咗氹仔呢間試下。睇佢嘅介紹,原來個brand有百幾年歷史,仲要主打葡國菜,真係估你唔到。最正係個非洲雞同咖喱炒蟹,雞應該係烤過,食得出外脆內嫩,個醬又惹味,一流。後者亦係正斗,咖喱夠濃、蟹夠鮮甜,食上癮啊。

過大海 餐牌寫話係葡萄牙人由非洲傳入澳門,唔知係咪真係咁複雜,但皮夠脆,肉質保持嫩滑juicy,好好食就真嘅。
聽講係葡萄牙人由非洲傳入澳門,唔知係咪真係咁複雜,但皮夠脆,肉質保持嫩滑juicy,好好食就真嘅。
過大海 咖喱加海鮮本來已經係無得輸嘅組合,呢度嘅咖喱仲特別香濃,配埋新鮮多肉嘅蟹,認真正。
咖喱加海鮮本來已經係無得輸嘅組合,呢度嘅咖喱仲特別香濃,配埋新鮮多肉嘅蟹,認真正。

 

澳門氹仔地堡街181-185號地下(顯示地圖
電話:(853)2882 5257

澳門氹仔林記燒烤

唔好俾佢個名fake起,因為佢雖然叫「氹仔林記」,但其實唔喺氹仔,而喺黑沙環新街近勞動節大馬路嘅地舖。你會奇怪食燒烤嘢有幾特別?一來澳門少呢類BBQ餐廳,二來佢除咗火候十足、粗豪香口嘅烤豬牛羊,居然仲有精巧嘅小菜,呢樣係相當驚喜。

過大海 識食如我都未搞得清楚花螺係咪即係東風螺,總之呢味就係好螺!簡單鹽焗,夠晒鮮味。
識食如我都未搞得清楚花螺係咪即係東風螺,總之呢味就係好螺!簡單鹽焗,夠晒鮮味。
過大海 睇佢簡樸嘅裝修,估唔到會有巧手小菜,但絕對想像到係呢度食熱辣辣嘅燒烤嘢,會有幾好氣氛!
睇佢簡樸嘅裝修,諗唔到會有巧手小菜,但絕對feel到喺呢度食熱辣辣嘅燒烤嘢,會有幾好氣氛!

 

黑沙環新街298號海濱花園第八座C舖(顯示地圖
電話:(853)2845 3615

皇都酒店
花道葡萄牙餐廳

既然住得皇都酒店,當然順便試埋佢自家嘅餐廳。呢間花道餐廳裝修好前衛清新,菜式反而係幾正宗嘅傳統葡菜,咁嘅matching十分有趣。最正係餐廳會因應唔同料理,為客人推薦相應嘅餐酒,美酒配佳餚,真正係食到最好。

過大海 呢道係炒馬介休、雞蛋、薯仔絲,實而不華,幾樣材料嘅味道配搭得啱啱好。
呢道係炒馬介休、雞蛋、薯仔絲,實而不華,幾樣材料嘅味道配搭得啱啱好。
過大海 蟹肉煨麵包配薄切八爪魚同樣要推介,2種海鮮加上開胃嘅sauce,賣相以至味道都係一絕。
蟹肉煨麵包配薄切八爪魚同樣要推介,2種海鮮加上開胃嘅sauce,賣相以至味道都係一絕。

 

澳門得勝馬路2-4號澳門皇都酒店M樓(顯示地圖
電話:(853)2855 2222

 

有關以銀聯卡消費可享之精選商戶優惠,請瀏覽:www.unionpayintl.com/hk/travel/

最新吃喝玩樂資訊