遊泰國4大精彩推介@Travel佳
聖誕就到，好多人都會揀飛一轉歐洲，無他嘅，節日氣氛又真係特別好嘅。不過嗰邊天寒地凍，有時真係唔想去個旅行要帶咁多衫，呢個時候就要考慮下東南亞喇。我Travel佳就幾鍾意泰國嘅，因為近近地、選擇又多，平民啲Hea玩OK，豪遊都得，最緊要識玩。
阿佳都唔怕長氣講多次，無論去邊度玩，最緊要奉行「be a Smart Spender」呢個原則。錢唔需要帶得多，帶啱信用卡就得喇。近排見到MasterCard喺泰國都有啲Offer做緊，同場仲推介咗好多買、食、住、行嘅地方，有啲都幾值得參考。
去旅行 酒店大過天
去邊度都好，住係好重要嘅一環，阿佳絕對有要求。以曼谷嚟講，我會推薦The St. Regis Bangkok。如果夠豪爽可以住佢高層嘅套房，睇晒成個曼谷靚景，包你話爽。而佢隸屬於Starwood Hotels & Resorts，呢個集團旗下無論酒店定Resort都好出色，各位可以上網了解下。
另外，曼谷好出名嘅水療度假酒店Le Meridien Suvarnabhumi啱啱開業1周年，我見MasterCard同佢都有合作出優惠，買「曼谷休閒之旅」套票，可以有6折，呢個套票可以歎到尊貴豪華房住宿1晚、1個鐘雙人Explore Spa水療按摩呢啲服務，絕對係物有所值㗎。
曼谷Le Meridien Suvarnabhumi套票優惠詳情：http://goo.gl/tWRAZC
更多精選住宿優惠：www.spg.com/mastercard3for2
美食指標靠得住
講到食呢方面，阿佳唔敢話好精，但去得旅行多，總有多少心得。最權威、靠得住嘅，我會睇當地時尚生活雜誌《Thailand Tatler》。最新有個2015最佳餐廳嘅推介，入面提到唔少餐廳好似Amber、Brio、Leapfrog、Bo.lan呢啲，全部都好有水準。而我見MasterCard有個叫「品味泰國」嘅活動，除咗介紹曼谷嘅出名餐廳，仲Cover咗好多布吉、清邁唔同地區嘅食府，都係一個相當唔錯嘅美食指標，參考呢兩方面權威嘅推薦，唔怕搵唔到好嘢食。
精選娛樂享受
住宿同食嘢嘅心水都講過，當然要講番多少玩樂嘅心得。Shopping都係娛樂，地點都離不開Central Department Store、LUXE galerie，唔多講喇。反而想介紹下一個叫「無價泰國」嘅活動，係MasterCard搞嘅，有咩咁正？我用例子答你，跟住Khao嘅主廚行街市買餸煮飯、私人導賞帶你玩轉Jim Thompson House Museum，即場歎埋度身訂造嘅Menu同靚酒、喺Panpuri Organic Spa享受自選嘅水療組合等等，呢啲體驗唔係時時歎到，係幾特別㗎。
更多精選娛樂：priceless.com
更盡情探索泰國
總括嚟講，泰國真係正嘅，食買玩都有好多選擇。例如水上市集，呢個唔需要多介紹，出咗名都好多年。反而諗起一個幾特別嘅地方值得講下，就係電視冷門啲嘅旅遊節目可能介紹過嘅火車軌市集。佢喺曼谷市郊小鎮Maeklong入面，係一個貼住火車軌兩邊起嘅市集，一有火車經過就收起，過咗就繼續做生意。賣嘅嘢就唔算特別，不過呢種做生意法，可以話世上獨有。如果想搵多啲好玩嘅地方，又懶，唔想左搵右搵，我都建議各位去mastercard.com.hk，入面除咗「無價泰國」，仲有「品味泰國」、「72小時繽紛泰國」呢幾個主題活動，都有好多有用資訊㗎。
