農曆跟團Join邊間?@杜遊珍

博客

廣告

外幣跌、航班增、燃油降、假期長…… 上星期講過, 嚟梗農曆年,港人齊心離境度歲,旅行社朋友亦大表樂觀,瘋狂查詢、求過於供,就算團費較去年同期升10% 至15%, 市民一於少理:「出到境,就係贏!」報團之前, 除咗揀地點, 最好就係回帶睇睇track record,話說消委會喺今年初四至初十三之間,曾經派員駐守機場禁區內的行李領取處,生擒活捉,訪問了2,514名剛參加完旅行團返港的旅客, 叫佢哋品評旅程滿意指數,結果發現大家都好包容,「滿意程度」、「回頭客」指數高企!除咗以下非常刺激嘅排名榜外,團友似乎都幾介意「改行程」,喺內地、歐洲、台灣及日本四個目的地中,內地團最常遇上更改行程,大部分都係刪減觀光點;日本團更改出發日期情況就較多,以今年遊日團臨近爆滿的走勢,行程安排、團隊服務又會面臨壓力測試,希望各位可以訂到啱心水嘅團或者套票啦!

排榜末的星晨近半年積極洗底,將電視廣告口號定為「與你重遇嘅一刻,係我哋最殷切嘅期待」。做唔做得到?跟過團嘅朋友不妨去阿珍FB 留言發表一下!