原來空姐合約「明文規定」,懷孕可隨時被辭退,亦未必會調到地勤,不少有米空姐索性攞一年無薪假生仔。
 原來空姐合約「明文規定」,懷孕可隨時被辭退,亦未必會調到地勤,不少有米空姐索性攞一年無薪假生仔。

萬呎高空生仔 邊國負責?@杜遊珍

博客

廣告

阿珍年中接待唔少來鳩嗚的大Lulu,最怕遇上大肚婆,好驚佢哋唔知幾時衝關,要生唔緊要,阻住團友嘅行程,有咩事阿珍畀人恐嚇咁點算?!

講開生仔,已經做到乘務長嘅姐妹D畀咗一個「有咩未見過的眼神我」,然後拋下一句:「你有無見過空中衝關?」

機上產子驚魂記

「衝入急症室生仔算係小兒科,夠膽喺機上生,挑戰比Ice Bucket Challenge 更大。」姐妹D話航空公司早有規定,孕婦必須持有醫生證明或陪同才可以上機,懷孕34周或以上的孕婦,佢地見一個就Reject 一個,但有一次從香港飛美國的航班,就嚇到姐妹D大耳窿都無肉:「可能地勤同事好Jun,個大肚婆又好似陳慧琳咁,就嚟生都仲瘦過我,結果起飛無耐已經陣痛,喺廁所穿晒羊水,好彩機上有位護士,幫手接生,如果唔係可能要折返香港去醫院。」生完倦極了的新手媽媽,定過神來劈頭一句便問:「窩嗲去到邊度?」

落機即取美國護照
原來當時航班已差不多到達美國上空,女嬰算是在美國境內出世,順利成為美國公民,相信呢位湖南女士應該得償所願了。不過姐妹D就話其實博唔過:「有啲Case 係要根據航空公司嘅註冊地點嚟判決BB 國籍,因為海事法規定只要這艘船或飛機的註冊地是法國,從法律角度說你
就踏在法國的領土上。」講到咁複雜,姐妹D話一句到尾,空中生仔好危險,因飛行時起降震動、高空氣壓變化等因素,會引起子宮收
縮、胎動, 甚至可能引發早產。分分鐘贏了護照, 輸咗條命, 而阿珍就覺得, 講多無謂, 整張一世免費任搭機票最實際!