荃灣
荃灣

【荃灣健康小店】三低Homemade ● 煎炒炸三不賣@大仁生活

博客

廣告

話說半個月前發現「荃灣驚喜~鮑記大食部」, 朋友B對我說:「嚟荃灣都唔叫我, 我住係鮑記附近咋, 我介紹你食『恩Homemade』, 好健康, 好正架」

小店就在大窩口站B出口, 上橋過對面, 望實熊貓酒店直行, 一出公園右手邊的荃灣花園簷篷內.

 
恩Homemade由兩堂兄弟合作, 高的是堂弟叫阿城, 堂哥阿南笑笑口:「高佬先係老闆, 我幫佢手架咋」
(哦! 高佬你之前都係做大廚?)高佬城:「唔係, 我係大陸做精品, 不過興趣就係煮嘢食」

(無端端又會開舖呢?) 高佬:「因為生咗BB之後, 想多D時間照顧佢哋, 所以就辭職返香港. 而我太太個教會就係後面, 所以我就索性係E度開舖囉」, 原來你是24孝先生, 24孝爸爸!!

(又話你哋唔煎唔炸, 咁串燒都熱氣喎) 南:「串燒係焗出嚟, 我哋一年前有賣炸雞翼, 不過係用空氣炸爐, 唔用油, 不過E家無賣」

焗爐好處應該不怕煎得不夠均勻, 雞串4條($18), 超值! (應該唔係心理作用), 焗出來好似Juicy多一點喎.

山渣蘋果酵素就是二人最月的新產品, 高佬:「E個馬來西酵素桶, 大約經過4日發酵, 你見到面層出晒泡泡就代表飲得囉, 排毒, 好有益架」

我一向腸胃不太好, 經常排毒, 所以酵素我點了給同行朋友飲用… 朋友M:「原來酵素好似飲酒咁,健康嘢真係幾奇怪」

而我飲的木耳桂圓露亦是阿南推介我:「我哋有位教友皮膚好靚,原來佢就係成日飲木耳桂圓,通血管, 又有骨膠原…」一聽到骨膠原, 我即答:「我就飲佢, 多D骨膠原」(朋友插咀:你要通血管就真)

小店的米飯全部都是紫色?? 高佬:「因為我哋用紅米, 黑米, 白米三隻米煮埋一齊, 所以就變紫色」

紫菜飯卷 ($28) 超足料, 而且絶對是用溫暖的三色飯即包而成, 我最怕冰冰涷的紫菜卷.超抵之選.

(「但以理」係咩嚟架? ), 高佬:「地瓜加芝士, 甜甜地幾得意, 我都好鍾意!」 (咁你鍾意, 我一定要叫啦 ~ $25)

我一見芝士就會拉, 雖然今次的飛碟不能拉得太勁,但軟滑軟滑的番薯蓉, 配芝士, 再夾入脆脆的麵包入面…好食!

非常日式的燒青魚三色飯 ($38), 因為我左影右影的關係,到食的時候, 朋友D說:「你睇吓, 等得你影完, 本來好好食條魚, 凍晒…(我叫阿城叮返熱佢), 千祈唔好, 我最憎食叮嘢」

其實我都只是影一陣啦…條青魚亦只是放涼了少少…可能沒有熱食的好味, 不過, 我又習慣熱的相機食, 我食室溫食物.

(點解你個舖頭名咁得意?) 高佬答:「因為我兩個囡都叫阿恩,而且又有恩典意思囉, Homemade就係出牌嗰陣, 佢唔畀我只係用個「恩」字做名…」(E家仲特別啦)

健康不一定要食齋, 今日食肉的我都竟然零罪惡感!! 高佬, 阿南我愛你, 我決定日日食木耳, 多謝你教識我平食骨膠原秘密.
Yeah!

恩 Homemade
地址: 荃灣青山公路15-23號荃灣花園高層13A舖
時間: 11:30-20:00
星期一休息

 

大仁生活facebook

最新吃喝玩樂資訊