義工
義工

義工 慘變黑工 解構義遊簽證迷思@杜遊珍

博客

廣告

早輪有位小妹妹去咗台東參加乜乜農場嘅「絕世筍工」選拔賽,一連五日「筍工」包 食包住仲有五萬台幣獎金;1明眼人一睇就知擺明係玩 gimmick 嘅宣傳手法啦,但偏偏有人眼紅玩報寸,話「香港遊客唔可以喺台灣打工」喎!結果好人當賊辦,無情情嚇餐懵,阿珍我不禁要問一句:喂,犯咗法咁又點喎!人哋都係想好好地推廣台灣旅遊之嘛!

好多背囊友以為,食宿交換就即係做 義工 ;但其實唔少國家嘅法例都規定,只要係用勞力交換食宿、就算無糧出都好,一樣算是有償工作,於是乎唔少用旅遊簽證入境嘅「 義工 」,隨時無端端違反逗留條件!以香港 人最熟悉嘅 WWOOF 做例子,喺英國、澳洲 可以用遊客身份入境 ; 但單係台灣,今年已經有成200個旅客慘被「叉廚」!真心講,當唔當你係黑工,完全由當地政府解釋,並唔存在國際標準 ; 阿珍喺下面列出熱門國家嘅做法,但老老土土都要講返句:出發前唔該向個別國家問清問楚!

新西蘭
必須工作簽
要求最嚴格,講到明唔接受將 WWOOF 當成義工,就算想從事食宿交換亦須持有工作假期簽證。

美國
移民官決定
申請普通旅遊簽證都須見移民官,建議先講明去WWOOF或換宿交流,強調屬學習體驗性質;根據經驗大都放行。

台灣
好難捉摸啊!
官方曾大力推動打工換宿遊台灣,近排又鬧出黑工疑雲;換宿者最好表明屬短期觀光身份,記住千萬唔好收取任何獎金獎品或報酬。

日本
鄉下通常得
若然前往鄉下農場,又能提供具體旅遊行程,通常都可以旅遊簽證 WWOOF;但若表明留在城市換宿(例如旅館或民宿打雜)通常都被拒。

英國、澳洲
旅遊簽證 Welcome!
少數國家講明歡迎以遊客身份入境義遊,只要不受薪,WWOOF、HelpX 甚至動物義工通通隨你做,Bravo!

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線