米線
米線

【足料創新】自家製誠意 米線 湯底 @Dining娜

博客

廣告

(Presented by 米線陣)

米線 稱得上係港人最愛嘅美食之一,大家唔好以為湯底只係配角,其實 米線 同湯底永遠都係主角,一樣咁重要。要做到兩者同樣咁好味,就要數一向鍾意突破傳統嘅新派 米線 專門店米線陣。佢哋嘅特色湯底唔單止有7款選擇,每款足料之餘,食材配搭亦好有心思,誠意十足!

自家製新穎 米線 湯底

首先,不得不提米線陣自家原創兼高人氣嘅招牌麻辣番茄湯,有別於一般米線店嘅麻辣或者酸辣口味,佢哋除咗加入胡椒、青花椒、辣椒乾等香料,仲放咗大量新鮮番茄熬製,將麻辣香味同番茄嘅清新酸甜完美地結合,創造出獨特嘅風味。要試呢款湯底,推介食麻辣番茄肥牛魚腐米線!

另一人氣熱選,仲有配搭創新嘅北海道3.6牛乳南瓜湯,由於用咗北海道3.6牛乳,同埋加入好多新鮮南瓜蓉,所以特別有咬口,口感非常豐富。

而香濃擔擔湯就用咗自家製豬骨湯混合肉燥、榨菜、花生醬、麻油、秘製辣油、花生碎,先鹹後辣,同時不失麻油香同花生香,香口惹味,令人一食愛上!歎擔擔湯,配大汗豬扒擔擔米線夠晒風味呀!

30款米線配餸、冷熱小食

話明走新派路線,米線陣嘅食品款式好多元化,除咗多種風味米線之外,亦有薯粉、稻庭烏冬等唔同選擇。米線配餸更多達三十款選擇,當中近半數係手工配餸,製作用心。

另外,特色風味小食就超過廿款,無論嗜辣或者唔食辣嘅朋友都各有選擇。如果你有選擇困難症,可以選擇主餐牌嘅7大「皇牌推介」,例如特盛米線、麻辣番茄肥牛魚腐米線等,夠晒方便!

清新足料解辣青瓜豆漿

呢度嘅特飲有多達十款選擇,最特別嘅一定係青瓜豆漿!米線陣獨創嘅青瓜豆漿用濃香豆漿混入新鮮青瓜蓉製成,含豐富纖維,清新又有營。原來食完辣,飲青瓜豆漿比水可以更快解辣,因為豆漿含有酪蛋白,有效緩解辣味,同麻辣湯底簡直係perfect match!

 

米線陣

地址:尖沙咀加拿分道20號加拿芬廣場地庫(顯示地圖
電話:2507 4622
Facebook:米線陣 Mixian Sense