聽聞德國人都有「裸體登山」呢種嗜好、甚至開闢「天體登山徑」……其實好此道者,大可以去適合地方做適合嘅事,總之去到拍照留念,真係要後果自負囉!
 聽聞德國人都有「裸體登山」呢種嗜好、甚至開闢「天體登山徑」……其實好此道者,大可以去適合地方做適合嘅事,總之去到拍照留念,真係要後果自負囉!

神山裸跑任奔走 狂野登山勿獻醜@杜遊珍

博客

廣告

繼尼泊爾之後,另一登山熱點沙巴神山上星期發生5.9級地震,截稿前傷亡數字未明,話說每年4至10月都係攀沙巴神山季節,呢個時間發生天災實屬不幸,希望登山嚮導同山友都吉人天相!

捉鬼獵巫 裸拍惹眾怒 

今次神山山頂震到耳仔都跌爛埋,有網民立即歸咎早前在山頂裸體拍照的一棚外國人。其實早在地震之前,當地已經不停聲討譴責此行為,認為不成體統、有觸怒山神之嫌,甚至呼籲緝拿負責帶隊的響導!地震之後,借勢怪罪呼聲就更高!據傳警方已經鎖定目標人物,阿珍只能祝佢哋好運……

靈氣滿山 山友不談「征服」

雖然阿珍份人好Open,但對於裸體戶外活動,單係聽到都覺得好刮肉……唔係阿珍迷信,就連真正熱愛行山朋友L,都表示「山山係唔可以得罪.」,資深登山毅行者都會對高山峻嶺有一份敬重、唔可以拗氣:「你話係心理作用或者迷信都好,好多時你愈埋怨天氣唔好,個天氣就會更加變壞!」 阿珍記得同成功攀越世界七大高峰鍾Sir 傾過偈,亦強調真正登山客都會抱有謙卑心態,佢話過外國山友同亞洲山友最大分別:「其實我好少用『征服』這個字眼,雖然總會有滿足感,但每次攀得過一座山,都提醒自己要感恩,而且落山路途漫漫,輕佻自滿、實在百害無一利啊!」