澳門光影節必影推介@TRAVEL佳
身邊啲朋友都話聖誕要飛去邊度邊度過，先至似真係過聖誕，計我Travel佳話去澳門過都好有聖誕feel喎！前幾日去咗澳門行咗轉，原來澳門12月搞咗個「2015澳門光影節－光影奇緣」，有好多精彩嘅光雕表演同浪漫嘅燈飾包圍住澳門11個著名景點，更有互動遊戲俾遊客，有得睇，又有得玩！就等我「些牙」一下影相靚位畀大家啦~
平時去大三巴就去得多，有蝴蝶仙子同小精靈喺個牌坊上飛來飛去你見過未？
媽閣廟上展現紫煙彌漫，嗰種祥和嘅景色的確別有一番感覺。
亞婆井前地已經變成咗個夢遊仙境，呢個好似花海嘅燈飾最啱小朋友扮仙子影相。
其實我幾鍾意呢條盧家大屋及大堂巷嘅晾衫街，將燈飾模仿衫高高掛喺半空，遠睇真係好似晾緊衫~
情侶一定要嚟呢個位於大堂前地嘅「幸福之泉」，聽個名就知同摯愛嚟影相係一件sweet sweet嘅事，但首先你要有另一半…（嗚哇…）
被蝴蝶仙子包圍住，呢個位真係好靚，又有聖誕氣氛！
有埋路線圖俾你，幫你plan埋點行，唔使驚迷路啦！
仲有好多影相靚位等住你去發掘，快啲出發喇喂！
2015澳門光影節－光影奇緣
日期︰12月6日至31日
時間︰7 pm – 10 pm
