歎遊愉景灣 搜羅特色餐食TOP 5@Dining娜

博客

廣告

(Presented by Discovery Bay)

Dining娜同大家一樣,平日喺辦公室任勞任怨,一到周末即刻到處搵食,放鬆心情,企圖享受下work & life balance嘅日子。

上星期決定離開繁囂,帶埋班姊妹走入愉景灣,喺呢個充滿歐陸風情嘅地方,我哋再次跌入美食黑洞,由愉景北商場瓹窿瓹罅食到D’DECK,最後當然係滿足離場。綜合各位姊妹嘅食後感,得出以下覓食推介,忍唔住要同大家開心些牙!

一朝早
自己咖啡
自己沖
無論幾點起身,欠缺咖啡香嘅早晨,靈魂依然難於歸位;所以甫落車立即箭步走到% ARABICA,喺9款不同產地嘅咖啡豆中揀選最愛,磨粉後親手操控專程由西雅圖引入,身價25萬的咖啡機,由蒸餾到打奶泡都一手包辦,全憑自製咖啡喚醒當日心情,繼續發掘美食。

店主本身熱愛咖啡,所以開設小店以賣咖啡豆和開設沖調咖啡班為主,集中一眾咖啡熱迷。
店主本身熱愛咖啡,所以開設小店以賣咖啡豆和開設沖調咖啡班為主,集中一眾咖啡迷。
Dining娜首次拉花,老老實實唔算成功,成品仲未見得人。
Dining娜首次拉花,老老實實唔算成功,成品仲未見得人。

% ARABICA
地址:愉景灣愉景北商場地下G08
電話:2885 1312
營業時間:10am-6pm

正午時
越洋土耳其菜

喺附近遊走一陣,隨即發現打正旗號以土耳其菜作招徠嘅Nevale Kitchen。聞說餐廳老闆係土耳其人,所以由食物、飲品到甜品嘅款式同味道都地道十足,部分食材更由遙遠嘅土國越洋送抵,用正宗土國風味俘虜姊妹們嘅味蕾。

喺餐廳入面重有土耳其特色醬料買,返屋企隨時可以下廚煮幾味異國菜。
喺餐廳入面仲有土耳其特色醬料買,返屋企隨時可以下廚煮幾味異國菜。
土耳其菜必備的燒烤,有雞、牛、羊肉,入口濃濃的香料味。
土耳其菜必備的燒烤Kabab,有雞、牛、羊肉,入口充滿濃濃的香料味。

Nevale Kitchen
地址:愉景北商場地下G26B
電話:2172 7099
營業時間:10am-10pm

黃昏TEA
清新有機素食
搭程接駁巴士,15分鐘左右,陣地就轉到D’DECK;姊妹A話食咗咁多肉,不如食番啲清新食物中和下,然後急不及待拉大隊去Life Café,揚言要帶大家一嘗有機素食滋味。店內格局簡單,落地玻璃配上木系裝潢,吧檯旁嘅食物櫃有沙律、曲奇同蛋糕等,款式不比其他café少,但統統採用有機食材製作。

個人最欣賞呢個Bar檯,環境夠開揚之餘,亦非常有格調。
個人最欣賞呢個吧檯,環境夠開揚之餘,亦非常有格調。
由6款有機蔬菜和餅乾整成的沙律,配埋自家南瓜湯,所有營養價值都經過精心計算保証健康。
由6款有機蔬菜和餅乾整成的沙律,配埋自家南瓜湯,所有營養價值都經過精心計算,保證健康。

Life Café
地址:D’Deck 地下G03A
電話:2591 1422
營業時間:周一至五7am-8:30pm、周末及公眾假期9am-8:30pm

傍晚時
火辣辣異國情

對於老是常出現的菜館,Dining娜同眾姊妹當然未放入眼內,所以今次專登挑戰火辣,揀咗間色彩繽紛嘅墨西哥餐廳用膳。果然,幾位姊妹叫嘅Tacos、Big burrito同Enchiladas,主菜以外都配上加入酸辣醬嘅飯,望落去色調橙橙紅紅夠晒刺激,但食落又覺得幾香口惹味;加埋現場輕鬆嘅環境,我哋愈食愈想食,愈talk愈開心!

墨西哥都是熱情嘅地方,餐廳布置五顏六色,幾有氣氛。
墨西哥都係熱情嘅地方,餐廳布置五顏六色,幾有氣氛。
墨西哥菜必食Tacos,用薄餅包裹烤肉片和乳酪,入口夠晒creamy。
墨西哥菜必食Tacos,用薄餅包裹烤肉片和乳酪,入口夠晒焦香同creamy。

Caramba Mexican Cantina
地址:D’Deck 地下G08A
電話:2987 2848
營業時間:周一至五12nn-11pm、周末及公眾假期11am-11pm

歡樂時光
Yo
~臨別啤啤
食完飯,外國人鍾意歎番杯,於是我哋決定逗留多陣,搵間清吧,點杯cocktail;望住個天,享受多陣。離遠見到Café Duvet細細間,又有露天地方坐,就追加Happy hour環節啦!同bar tender傾多兩句先知,原來附近居民平日都鍾意喺度摸吓酒杯底傾兩句。Hey sis,咁先係生活架嘛!

入夜後,居民和遊客開始聚集,飲返杯、傾兩句,又無老蘭咁嘈,relax~
入夜後,居民和遊客開始聚集,飲番杯、傾兩句,又無老蘭咁嘈,relax~
飯後一杯coctail,真係非常寫意;不過眼見現場人士舉杯暢飲啤酒為多,乾!
飯後一杯cocktail,真係非常寫意;不過眼見現場人士舉杯暢飲啤酒為多,乾!

Café Duvet
地址:D’Deck 地下G06
電話:2987 0966
營業時間:周一至六4pm-12mn、周日及公眾假期12nn-12mn