新手必學!5大秘技令狗狗聽晒你話@Parent婷

博客

廣告

撰文: Parent婷 圖片來源: Thinkstock

(Presented by LINK Stanley Plaza)

年度狗狗盛事,領展赤柱廣場海濱狗狗嘉年華返嚟喇。1月10、16及17日一連3日有好多精彩活動等緊大家同一眾毛孩,包括狗狗才藝大晒冷、慈善空中狗Cafe等等。想毛孩出街街又聽話其實唔難,教狗狗同教小朋友一樣,除咗要有耐性,仲要有一套潛規則,乖嘅狗狗仲可以令小朋友有樣學樣一齊乖添!

各位家長,今次就同大家分享下我呢個新手領悟到嘅教狗5大秘技,學番一招半式傍身,就可以乖小孩同乖毛孩都同時擁有啦!

ThinkstockPhotos-472250578

秘技1摸摸頭代替零食

用零食教狗狗當然係好好嘅方法,不過久而久之,狗狗就變得「現實」,無零食就絕對不遵從指令,訓練初期係可以用零食獎勵計劃,但狗狗開始穩定地識得做指令後,就可以慢慢用摸摸頭或讚美代替零食,咁樣冇零食都唔驚狗狗唔聽話啦。

ThinkstockPhotos-521726163

 

秘技2狗狗都識手語

幾個月學好「外語」真係得?要狗狗容易聽指令,淨係大吵大鬧真係無用㗎!不如配合手勢,比如打開手平放頭上代表”Down”,或者伸前握拳代表”Sit,配合明確又肯定嘅聲線發號施令,俾狗狗嘅視覺同聽覺加強記憶,好快就明白邊個指令打邊個指令啦!

ThinkstockPhotos-461870797

秘技3重複、重複再重複

想狗狗學會一個指令,一定要重複再重複做,俾佢知道唔係「巧合地」乖了,而係做咗一個動作而獲得獎勵,尤其第一次做到「俾手手」就先獎勵,然後立即要牠再「俾手手」再獎勵,重複再重複,牠就會慢慢了解同確定「俾手手」嘅動作喇!

ThinkstockPhotos-109840628

秘技4高音甜低音準

唔好以為狗狗真係識聽廣東話啦,想狗狗知道你幾時係鬧幾時係讚,語調一定要夠誇張。讚嘅時候要高音,仲要笑晒咁摸下佢個頭;鬧嘅時候要夠低音,仲要同佢保持距離,因為捉住佢嚟鬧只會令佢誤會你同佢玩緊。久而久之,狗狗自然可以憑你嘅語調就知道你嘅情緒起伏啦。

ThinkstockPhotos-93454703

秘技5小主人訓練

各位家長最頭痕嘅,一定係小朋友同狗仔究竟相唔相處得來嘅問題,一於就教埋小朋友做狗狗嘅小主人,由小朋友向狗狗發出指令,狗狗聽晒小朋友話,自然可以做對好buddy啦!

ThinkstockPhotos-521516075

俾足耐性教嘅小毛孩,唔單止乖,分分鐘仲可訓練出過人才藝添!如果你嘅狗狗咁叻叻,不如就同埋小主人一齊帶埋狗狗參加以「DOGGIE’S GOT TALENT」為主題嘅「領展赤柱廣場海濱狗狗嘉年華」,參加「犀利狗狗才藝大晒冷」比賽,大展所長,順便贏埋豐富禮物!

「領展赤柱廣場海濱狗狗嘉年華」除咗比賽外,仲有慈善空中狗Cafe、市集,仲召集緊過百隻毛孩和主人齊齊潮玩狗狗瑜伽,挑戰世界紀錄!一家大細仲可以乘搭大會貼心安排嘅寵物巴士接送往返,捐$40就有得坐喇!

 

領展赤柱廣場海濱狗狗嘉年華2016

日期:2016年1月10、16及17日

時間:下午1時至6時

地點:赤柱廣場

活動詳情:http://goo.gl/4wdGiU

慈善狗巴士路線及登記座位:https://goo.gl/5RZ4NQ

 

 

最新吃喝玩樂資訊