【必換拼布利是封】3款布藝利是封推介+將軍澳韓式鈕藝佈置4 大打卡位@Miss Sunny

新年要準備團年飯、禮盒、年花，當然仲要有靚靚利是封！今時今日，利是封嘅設計層出不窮，新地十二大商場就聯同著名台灣纖藝大師劉棟合作，設計3款用上即興手繪拼布嘅利是封～另外，豬年當然要搶先一步，影定靚相迎接新年啦！Miss Sunny 今次就發掘到將軍澳東港城有個3,000呎嘅「韓式鈕藝御花園」，由韓國國際級大師Ran Hwang精心創作，集藝術同格調於一身嘅粉紅花花世界，Post出嚟肯定羨慕死班姊妹！

必換拼布藝術利是封

派利是日子逼近，仲準備派十蚊一包嘅甩色利是封？新地十二大商場聯手台灣纖藝大師劉棟 (Danny Amazonas) ，將出神入化嘅纖維藝術作品變為藝術感十足「團豚花漾慶新春」利是封，送出去都令人覺得有Taste！利是封以珍珠祥雲紙印刷而成，配合熨貼絨毛，材質獨特。為迎接豬年，更特別設計「錢包滿滿立體豬仔」利是封，其擁有一雙毛毛耳朵，身上配以色彩鮮明嘅花花圖案拼出可愛風，脹卜卜嘅造型趣致討喜，拎上手觸感更是充滿驚喜，設計既高貴典雅盡顯派利是者嘅心思同祝福。

3款利是封各一吉祥寓意

原來劉大師創作嘅金魚、牡丹及小豬，再加上「魚躍嬉春」、「花漾娉婷」、「吉慶團圓」熨金字體融入咗唔少心思！「魚躍嬉春」以桃紅色配上躍動嘅水波與神態生動嘅金魚，令人覺得生機無限，年年有餘；「花漾娉婷」以充滿貴氣嘅姹紫色，以繁花盛放襯托一枝獨秀嘅牡丹，祝願大家紫氣東來、花開富貴；「吉慶團圓」用香檳金色配上串串金枝同笑口常開嘅豬仔，寓意金玉滿堂、家肥屋潤，搞到我都忍唔住想抱隻豬豬返屋企。

吸引到爆！尊貴禮盒一次過有齊一套3款利是封同大禮！

三套利是封我都想要晒呀！原來仲有個「團豚花漾慶新春」尊貴禮盒，當中包含一套三款利是封、「花開富貴」仿皮利是袋、新會陳皮普洱茶，仲有日本杉養蜂園蜜糖！禮盒以特選閃紋布印上劉大師設計嘅吉祥鯉魚圖樣為設計，「花開富貴」多層仿皮利是袋更印上劉棟大師創作嘅牡丹，配合熨金圖案，方便整理利是，費事派錯銀碼嘛。手工生曬嘅新會陳皮普洱茶同日本杉養蜂園蜜糖啱晒招待親朋戚友，幫大家解一解新年大魚大肉的油膩。

換領日期：即日至2月4日 (一)
換領地點：東港城、上水廣場、北角匯、Mikiki、將軍澳中心、PopWalk天晉滙、
卓爾廣場、Life@KCC、荃錦中心、錦薈坊、荃灣新領域廣場及屯門寶怡商場
換領方法：推廣日期內，顧客即日於新地十二大商場以電子貨幣
單一消費滿HK$300*，即可換領「團豚花漾慶新春」利是封乙包**；
單一消費滿HK$800*，即可換領「團豚花漾慶新春」利是封乙包**及「錢包
滿滿立體豬仔」利是封乙個；
消費滿HK$5,000*，憑最多3組不同商戶發出之即日有效機印發票，連同相
關之電子貨幣消費存根即可換領「團豚花漾慶新春」尊貴禮盒乙盒^。

**利是封備有3款以供選擇，每包內有8個同款之利是封。
*每張發票不論超越金額多少，最多可換領利是封2包及立體利是封2個。每人每日最多只可換領利是封4包及立體利是封4個。
^禮盒包括一套3款「團豚花漾慶新春」利是封、「花開富貴」仿皮利是袋1個、手工生曬新會陳皮普洱茶(獨立包裝)1個及日本杉養蜂園蜜糖(30g) 1樽。