我的尼泊爾印象@Lucina Lo

博客

廣告

本來仲跟老公相量緊幾時一起去尼泊爾行山, 還一起細味朋友在fb上尼泊爾的登山相, 因為真的很想一起踏足這個咁靚的國家。

多年來尼泊爾總是多災多難似的, 早年政治動亂成日有旅遊警報, 之前又在登山季節發生嚴重雪崩, 上周聽到話地震, 簡直難以相信, 加德滿都的建築都是超級密雜, 但這種不修邊幅其實好靚, 還有十分嚮往樸卡拉和那加各的露天餐廳, 對著雪山吃早餐, 還記得第一次去尼泊爾, 我總是晨早起床就是為了歎早餐 (不過有幾天真係一到中午就返咗酒店lie down再瞓)
又記得第一次由加德滿都坐當地的熱狗巴士前往撲卡拉, 撞佢個鬼沿途九曲十三彎, 搞到我暈車浪,幸好坐在窗口位一打開車窗就係咁嘔, 好彩唔係好大風吹番啲嘔吐物轉頭。

這裡的雪山的確令人愛, 這裡的山脈, 雄壯得難以形容, 對我們身在遠方的人來說, 我們可能只會想, 要遲多幾年先好再去行山, 但對於當地人來說, 他們的家可能變了一個地獄。

其實幾次踏足尼泊爾, 已是多年前的事,很多事已很模糊,但我仍記得這裡的人很可愛 (當然店舖商人都係狡滑的)。
以下是幾個較深印象的事件:

1) 有次在河邊睇燒屍體 (尼泊爾的傳統葬禮), 一個小孩子拿著鞋擦向河邊觀摩的遊客逐一詢問要唔要shoe shine, 佢走到我旁邊穿涼鞋的外籍男子, 照樣詢問, 這個男人仲解釋佢知佢對涼鞋係shine唔到的, 還記得當這個男孩的樣子, 好專心咁聽個男人解釋, 但就好似唔明白涼鞋係唔可以擦咁, 十分可愛。

2) 第一次去尼泊爾, 係由西藏邊境進入, 當年好似仍用BNO, 當時由拉薩花了幾天時間玩到去尼泊爾和西藏接壤的邊境城市樟木, 順利由大陸邊境過尼泊爾的immigration, 好記得當時的office只係一間簡陋的石屎屋,兩個男子望望我再望望我個passport, 無端同我講, 話叫我返拉薩做簽證, 當時還跟他們理論了一輪至火紅火綠, 他們仍然堅持, 最後想起要去番十萬九千里的拉薩簽證, 忍唔住在他們面前哭了出來, 最後就係咁, 佢地竟然畀我過關。(其實當時他們是想收黑錢, 但我當時係backpacker真係無咩錢, 又扮唔明, 最後竟然一喊便解決咗個問題。)

下頁續:對尼泊爾印象較深的事件還有…?

3) 當年第一次去海拔較高的地方, 首次踏足尼泊爾時行ABC路線, 大本營約海拔四千, 以往一啲運動都唔做既我, 行了幾日上完個頂又落番谷底, 好辛苦咁行咗幾日, 見到只有一條樓級便到達大本營, 當時實在太興奮, 突然跑起好想快啲衝上去, 點知即刻被一個路過的登山導遊叫住我, 同我講: “slowly slowly slowly…..”

4) 年輕時backpacker遊尼泊爾時,為了慳錢, 而登山路線只係一條路,所以只請一個porter而沒有請導遊, 一個Porter幫我們拿兩個人既東西, 現在仍清楚記得這個成日臉掛笑容的porter的樣子, 瘦弱的他要背著我們兩人的東西, 還要身兼導遊應酬我哋, 記得他當時都有啲辛苦的樣子, 真係有啲唔好意思。對於這些依靠旅遊業的落後國家, 當地的人所賺的都是辛苦的血汗錢, 現在也不會像年輕旅行時, 講價要講到盡, 不再抱著一個唔講到盡就係蝕的心態, 自已覺得價錢合理便ok, 即使畀人賺多少少也沒相干吧! 其實你講平咗一個幾毛, 對我們來講其實沒甚麼大不了, 但對於當地人來講, 可能都可以幫到好多!

各地的救援組織都派出救援人員前往救災,加德滿都這個古城, 由當地居民的房屋至好多古蹟都震到爛哂, 現在最擔心還是這裡的醫療設施很不足 (10000人只得2個醫生), 最擔心會爆發傳染病, 而我一直支持和覺得好有heart的國際救援組織, 專門在戰亂和災難地方救災和提供醫療服務的「無國界醫生」, 已派出很多救援人員前往當地, 進行艱辛的救授工作 (無國界醫生Facebook 專頁 可以見到他們的救援進度)

我們做的並不多, 捐錢是當中較容易辦到的東西吧!
無國界醫生捐款詳情

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線