德國
德國

新年咁樣玩!嚴選 德國 10大必去景點 @Travel佳

博客

廣告

(Presented by 德國國家旅遊局)

新年新氣象,最近好多老死都追住我Travel佳問新一年應該去邊樹玩好?又話要夠深度,又話要風景靚,仲話要新奇刺激⋯⋯雖然要求多多,但依然難我唔到,想一次過滿足晒以上願望就去 德國 啦! 德國 一直出咗名地靈人傑,又有豐厚嘅歷史文化背景,科技又夠先進,去遊一遊一定令你眼界大開!不過 德國 咁多景點,要去邊度好呢?計我話不如跟 德國 國家旅遊局 最近公布嘅 TOP 100 最喜歡嘅 德國 景點去玩,信吓超過66個國家遊客嘅心水推介!好啦,今次我哋就睇睇頭10位先!

第1位 德國 漢堡微縮景觀世界

呢個位於德國漢堡嘅微縮景觀世界,點解咁受歡迎?無他嘅,皆因佢夠新奇又夠奇幻。你喺入面可以睇到世上最細嘅機場,見住像真度超高嘅模型飛機上上落落,飛機迷睇見就心動!仲有超大型模型鐵路,穿越德國、奧地利、瑞士等歐洲國家,場景仲會由日頭變夜晚再去埋美國,另外更有海灣、郵輪、跨海大橋。當中最吸引人嘅就係城市救火場景,睇住消防車衝鋒陷陣,夠晒刺激,場景入面仲有好多德國出產嘅人仔模型等住你去發掘!

德國
(相片來源:網上圖片)

第2位 海德堡宮殿

建於1300年左右嘅海德堡宮殿有別於你對德國童話故事嘅想像,佢紅棕色砂岩嘅塔樓、城牆矗立喺一片翠綠嘅山上,份外有氣勢!呢座宮殿位於德國符騰堡州,喺二戰中倖存嘅城堡之一,保留住中世紀風貌,喺鍾意古歐洲文化建築旅客嘅必到景點。德國著名嘅浪漫主義詩人歌德更曾經話過要將心留喺海德堡,可見其吸引力之大。

(相片來源:©Walkins Image / Dapeng He)
(相片來源:©Walkins Image / Dapeng He)

第3位 歐洲公園 Europa-Park

你無睇錯!呢個遊樂場真係叫歐洲公園,樂園分為13個歐洲主題區,超過 95 公頃,擁有100多個表演同遊戲項目。既有10個瘋狂刺激嘅過山車,又有欣賞植物同特色建築嘅靜態區域,真係大人細路都啱玩。當中最過癮喺希臘區,坐喺水上過山車Poseidon上面,你可以感受到於天空同海洋間飛馳嘅快感。園內既設有 4 星級酒店,又設有讓你一嘗西部野外露宿滋味嘅設施,適合不同人士需要,正呀!

(相片來源:©EUROPA-PARK)
(相片來源:©EUROPA-PARK)

第4位 新天鵝堡

相信大家都唔會對新天鵝堡感到陌生,迪士尼個睡公主城堡咪參照佢而起架囉!位於南巴伐利亞嘅新天鵝堡建於1869年,其外形以至內部裝潢都充滿童話氣息,係唔少女士嘅終極浪漫旅遊勝地。裡面兩座豪華大廳建築風格華麗,而御殿則以金色和藍色為主調,極具氣派。不少遊客喜歡在城堡外圍打卡就離去,但作為一位深度旅人一定要入內細味其浪漫氣息。

(相片來源:©GNTB/Kelvin Yuen)
(相片來源:©GNTB/Kelvin Yuen)

第5位 羅騰堡舊城

我Travel 佳當年去過羅騰堡真係唔捨得走,好似入咗童話小鎮咁,全城建築都保留住中古氣息。喺城內行一圈,你會懷疑自己係咪坐咗時光機,返咗去以前。羅騰堡嘅德文Rothenburg解作紅色城堡,相信呢個名嘅由來係因為呢度每幢建築物嘅屋頂都油咗深淺不一嘅橙紅色,遠睇就好似一座紅色城堡。呢個咁浪漫嘅古城仲有好多教堂、市集、廣場同橫街窄巷等住你去參觀!

(相片來源:©Rothenburg Tourismus Service/Willi Pfitzinger)
(相片來源:©Rothenburg Tourismus Service/Willi Pfitzinger)

第6位 Lake Constance with Mainau Island, Monastic Island of Reichenau

於2000年被列入世界文化遺產嘅Lake Constance with Mainau Island, Monastic Island of Reichenau,位於博登湖上嘅德國巴登符騰堡州內,以島上嘅多座修道院建築而聞名,被譽為「修院之島」。島上有1座中世紀僧院同3座分別興建於第9及第11世紀的羅馬式教堂,極具特色。博登湖位於瑞士、奧地利同德國三國交界,當地嘅鮮花及園林同樣有名,景色優美,風景迷人。

(相片來源:GNTB/Mainau Gmbh)
(相片來源:GNTB/Mainau Gmbh)

第7位 曼海姆宫

曼海姆宮建於1720 年,充滿巴洛克式豪華建築色彩,喺一座包你大開眼界嘅藝術品。 王宮擁有 500 多間裝潢華麗嘅房間,裡面有珍貴嘅油畫、織花壁毯同雕像。2007年初進行過長時間嘅翻新,令到王宮回復返當年嘅光彩;佢仲係現時德國最大嘅整體巴洛克建築之一,古建築迷絕對不能錯過!
 

(相片來源:網上圖片)
(相片來源:網上圖片)

第8位 烏爾姆大教堂
對教堂有研究嘅朋友,一定有聽過哥德式嘅烏爾姆大教堂。佢擁有世界上最高嘅教堂塔樓,高近162米,佢嘅外號叫「上帝的手指」(Finger Gottes),可見塔樓之高!建築界更稱呢座教堂為藝術品,更喺視覺藝術上嘅傑作。遊客沿住樓梯走上教堂頂,感受佢幾乎「登天」,與上帝連接嘅氣勢。當然你望返落地,欣賞烏爾姆同多瑙河嘅景色同樣精彩!

(相片來源:網上圖片)
(相片來源:網上圖片)

第9位 科隆大教堂

世界第3高嘅科隆大教堂高157米,由13世紀中期開始興建,於1880完工,足足花了上600年時間,可見其工程龐大。佢同時喺世界第3大嘅哥德式教堂,佢哥德式嘅高尖塔、玻璃花窗同拱形屋頂等,都有極高嘅文化藝術價值。於1996年更被聯合國教科文組織定為世界文化遺產,絕對值得一遊!

(相片來源:©Köln Tourismus GmbH)
(相片來源:©Köln Tourismus GmbH)

第10位 德累斯頓老城

被譽為歐洲最美麗城市之一的德累斯頓,擁有無數文藝復興、巴洛克同19世紀嘅古建築,喺古時至今日德國嘅文化重鎮。古城於二次大戰遭受炮火猛烈轟炸,多得1990年德國統一後嘅連串修復運動,令昔日古城重演風采。城內有豐富嘅文化設施,如博物館、畫廊、市政廳。夏天期間於城內野餐、散步十分寫意。

(相片來源:©GNTB/Lee Minghay)
(相片來源:©GNTB/Lee Minghay)

更多德國景點:https://goo.gl/NpKJCK