年初四起跑！進擊的 東京 馬拉松 2015@Wina

香港雖然年年都有渣馬，不過天未光就起跑，少點意志力都難起身到場打氣。反而去年無意中遇上世界六大賽事之一「 東京 馬拉松」。今年 東京 馬拉松將會喺2月22日（農曆年初四）舉行，參賽人數多達35,500人。回顧去年置身其中，與過百萬人一齊企喺路旁打氣，加上參賽選手造型幾爆都有，氣氛極之熱烈，除咗 Shopping 之外亦係非常值得一看的盛事。
賽事由早上9時起跑，一直至下午4時左右。馬拉松賽道由東京都廳開始，經飯田橋、皇居前、日比谷、品川、銀座、日本橋、淺草雷門、築地、豊洲，最後到達東京國際展示場。在銀座睇比賽最方便，一出地鐵站已經係賽道，平時百貨公司林立的大街上擠滿打氣的人潮，悉心打扮的參賽者造型相當豐富，包括：進擊的巨人、麵包超人、孖寶兄弟，就連加勒比海盗船長 Jack 亦吸引出來，氣氛熱烈又搞笑！

延伸閱讀：東京百年車站酒店 華麗住宿體驗@Wina