環澳
環澳

小小單車 環澳 遊記(上)@Bike The Moment

博客

廣告

去澳門通常大家可能都係飲飲食食~本住最鍾意踩住單車於城市穿梭既精神,前個兩星期我地就同幾位朋友來到澳門踩左次迷你既「 環澳 門之旅」。我地先由澳門碼頭開始踩,逆時針先向北區出發,經過一些舊唐樓區(老實講,個人覺得最有feel 就係呢區),同我地平時見到既五光十色既娛樂天空完全唔同。之後一路踩落市中心紅市場個邊去飲茶。然後我地再經海旁既大馬路一路經過李錦記醬油廠,再到媽祖廟同西灣湖畔。我地發覺左一樣非常重要既野,就係澳門既司機非常禮讓。其實之前都有朋友講過,但唔親身試過真係唔信。

我地一開始就由碼頭經過水塘邊踩到來來到北區(水塘內的行人路不可踩單車)。個人覺得北區最正最有feel~ 我地最鍾意踩單車穿梭呢d 最有本地特色既環境。呢度有一d 好矮好舊既唐樓,亦有呢d好高2﹣30層既窗花由鐵網組成既大廈。踩單車經過個陣覺得幾特別的。想要見到澳門local 一面既記得要黎兜兜~
之後另一條好正既路段就 雅廉訪大馬路美副將大馬路高士德大馬路 呢3條平衡既馬路。大家唔好比佢地個名嚇親,個名叫大馬路,其實就arm arm 好適合我地踩。如果好天氣既話有d樹蔭曬落黎好有feel~ 呢度既感覺係唔會好繁忙令你好有壓力,有d 悠閒外國街道既感覺~

我地之後去左一間茶樓飲茶。個日我地2:05pm 踩到去,去到先見到原來佢地既營業時間到 2pm。原本諗住走人,但老闆見我地幾個小朋友特登踩單車過黎,就招呼埋我地。之後最估佢唔到既係,老闆竟然叫我地7部單車擺上去餐廳入面。因為老闆話其實佢地成日都會有客人踩單車過你飲茶,有次試過有客人泊部單車花係下面轉個頭就唔見左,所以佢見我地又係特登踩單車過黎就叫我地放上黎。如果係香港應該不太可能gua…

最無敵係有個露臺

吃完玩完一輪之後老闆同我地講解下鋪頭既好多歷史,我地都聽得津津有味,因為呢度真係好似一間老闆既私人收藏博物館。

延伸閱讀:

那些年,我們去旅行 踩單車 時無意中發現的秘境 #[email protected] The Moment

那些年,我們去旅行 踩單車 時無意中發現的秘境 #[email protected] The Moment

 

最新吃喝玩樂資訊