單車環台4大必試體驗@Travel佳

博客

廣告

(Presented by 老爺酒店)

上個禮拜Travel佳分享過去台灣參加環台單車遊嘅全新玩法,晚晚都有靚酒店住,仲有溫泉歎,係咪好吸引先?其實,擁有超過38年歷史嘅老爺酒店,擅長舉辦各類在地旅行團、推廣在地文化,最識安排有在地特色嘅local tour,而佢地舉辦嘅老爺鐵騎環島車隊行程,入面就有融入咗每間酒店喺入面嘅local tours。當中有好多令Travel佳難忘嘅片段,最特別係參訪咗一啲在地人先識到訪嘅人文景點,亦去咗一啲屬於台灣絕景級嘅路綫踩車,呢啲畫面Travel佳都覺得好值得同大家「些牙」下!

第一景 漫遊斷崖峽谷

講到全程最靚景,Travel佳首選花蓮太魯閣一段嘅橫貫公路,去過台灣嘅朋友都知,太魯閣入面嘅險峻懸崖河谷絕景,相信喺東南亞其他地方都唔會再搵到,最爽係行程由485米高嘅天祥一直衝落去向花蓮方向進發,沿途都係落山路,相當舒服,好似Travel佳呢啲又想玩又唔想咁辛苦嘅人嚟講就最好不過。

除咗易踩之外,相信最好玩就係沿途嘅路況多變,彎道多外,仲有大量半開放式嘅隧道、吊橋等等,呢啲路段喺香港絕對冇可能可以踩單車入內,對於鍾意踩單車嘅人嚟講實在喺一個非常好嘅體驗。

老爺鐵騎車隊騎行太魯閣04

第二景 台灣史路見學

除咗靚景,老爺鐵騎環島嘅單車遊入面,有一個名為「台灣詩路」嘅文化遊實在非常特別,值得大家一去。

台灣詩路01

話說喺台南嘅鹽水有一個專搞在地文化local tour嘅組織,專門帶外地人到村落中入面參訪,而喺今次嘅單車遊入面,佢地仲專門搵嚟文史老師教唱台灣詩人寫嘅詩歌,從中可以令大家認識更深嘅當地文化。台南作為台灣一個歷史味最濃嘅城市,有如此嘅體驗就更加有意義。除此之外,喺台南亦會去另外兩個有關台灣文化嘅景點:菁寮社區同台灣文學館,都係Travel佳未去過嘅特色人文景點。

台南土溝農村美術館01

第三景 大稻埕歷史遊

遊台北,大家通常都係focus喺食同買嘢,但講到歷史遊就可能未必知道太多景點。今次嘅單車遊,入面就安排走訪老台北最早開發嘅大稻埕碼頭同歷史古蹟。講到大稻埕一帶,實在有太多嘅老店同埋值得講解嘅故事去探索,外人就咁喺裏面遊走實在好難一一掌握,特別係Travel佳想睇下一啲傳統工藝嘅小店,例如燈籠、農具等等,呢啲失傳嘅嘢實在係好難喺其他地方搵到,今次真係大開眼界。

老爺鐵騎團員走訪老台北最早開發的大稻埕碼頭

第四景 北投秘景Trekking

行程嘅最後一晚,老爺酒店特別安排咗入住北投嘅老爺酒店,入面有溫泉享受當然令Travel佳非常滿意,但最surprise嘅其實係第二日早上嘅秘景trekking,雖然,全程包含車程約需2小時來回亦相當講求體力,但可以喺台北市區嘅後花園,迅即體驗森林靚景同埋一覽整個盆地嘅景色作為行程嘅終結,對Travel佳嚟講亦都係一個好新鮮嘅體驗。

北投老爺酒店

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線