日本威士忌 余市賣斷晒,其實都唔淨係關香港、台灣同大陸人
事,因為日本NHK喺上年以Nikka Whisky(余市
係旗下品牌)創辦人竹鶴政孝的故事拍咗套電
視劇《MASSAN 》,仲要喺余市酒廠取
景,日本唔少人都開始買余市飲!
日本威士忌 余市賣斷晒,其實都唔淨係關香港、台灣同大陸人
事,因為日本NHK喺上年以Nikka Whisky(余市
係旗下品牌)創辦人竹鶴政孝的故事拍咗套電
視劇《MASSAN 》,仲要喺余市酒廠取
景,日本唔少人都開始買余市飲!

喊出嚟! 邊度買 日本威士忌 ?@杜遊珍

博客

廣告

話說上星期阿珍嘅FB畀兩件事洗版,其一係海量嘅日本櫻花曬命相,另外就係3月底開始日本機場免稅店將停售 日本威士忌 ,一眾酒鬼都不停唉聲歎氣!

其實呢幾年円平,阿珍每次飛日本都要幫親朋戚友抬 日本威士忌 返香港,最受歡迎嘅當然係20年嘅余市同21年嘅響,喺機場免稅店買每支都只係一千蚊左右,足足平香港一半有多,抵飲到爆!直至上年年中,幾乎次次都可以買到,仲有好多選擇,但暑假之後就經常缺貨,特別係年份高嘅,更難買到!阿珍上月初喺福岡機場,半支日本威士忌都冇,大阪呢,就淨返山崎、白州12年!

咪以為日本市內就好易買到,平時酒鬼入貨熱點如Bic Camera 同各大百貨公司都缺咗貨好耐!咁網店呢?官方( Asahi 及Suntory)網站唔使睇都估到冇晒,百貨公司同Amazon 亦冇得賣,唯一可喺樂天買到,但價錢就炒貴成倍,余市20年最平都要¥31,129/HK$2,023,仲要唔係即刻有貨,響就好少少, 只係¥26,500/HK$1,723, 再咁貴落去,酒鬼可能要轉返飲蘇格蘭威士忌划算啲!