美食車
美食車

唔使等到頸都長 自發起動 美食車 !@Charmaine

博客

廣告

政府年頭話引入 美食車 ,到現在仍然只聞樓梯響,影都無隻。原來民間已靜靜開展 美食車 大計!講緊唔係木頭車,而是設計得型仔的外國Food-Truck style。最進取就是啤酒品牌 Tiger Beer,跟粵來順、叁薯等多間本地食店合作,開著美食車遊走香港20日,免費派啤酒和街頭小食,豪氣到連鮑魚都有得食!由一班後生仔發起的 Y Cocktail & Mocktail 就將佢哋架車駛入周末市集,拎住不同顏色Tube裝Mocktail 做偽文青,Chic 到盡。更有人成立香港美食車協會,將迷你貨車改裝成太陽能美食車,在旺角派爆谷、棉花糖等小食做推廣,好受歡迎,仲與大型食肆傾緊合作大計,誓要叻過政府。事實上,外國的美食車文化早已存在,外形浮誇搶眼係基本,有些更是名車品牌,成架變形金剛咁,有埋靚音響、DJ 打碟位,仲找來名廚駐場;甚至打破平民小食界限,以街坊價賣米芝蓮級數的慢煮、燒烤料理,Charmaine 聽到都覺得 勁。潮流興講「KOL」,我諗如果香港飲食界先鋒都撐美食車,就唔使等到2046啦!