同名同姓就可以? 機票轉讓易唔易?@杜遊珍

博客

廣告

係人都知早訂機票好著數,只係最怕臨時飛唔到。最近網上接連發生兩單「機票轉贈」事件,因為不同原因,當事人招募同名同姓有緣人替代出遊──

今個月初,先有歲加拿大囝囝Jordan「失戀急讓」前度女友環遊世界機票,下月21日出發的跨年行程,玩盡紐約、米蘭、巴黎、曼谷同新德里,不過受惠者只限加籍同名女子Elizabeth Gallagher,講明但求機票脫手唔想嘥、唔介意到時各有各玩,結果有一位上年紀大媽應徵,結局似乎皆大歡喜。

至於近在香港,亦有一張明年出發的泰國機票網上求轉讓,阿珍聯絡過當事人,可能因為唔係同名,得唔到進一步出讓機票嘅資料,於是就向旅行社agent 八八,到底實際上有冇呢個同名轉讓嘅「飛行候補機制」?

 

有得搞!

「機票改名手續費不菲,搵個同名人博一博,未嘗不可!尤其係透過傳統 Agent 訂飛,可能有漏洞,因為佢哋嘅訂票系統入面,戶照號碼、出生日期都唔係 Must,如果 Hold 位時未申報其他資料,就有機會!」

無得搞!

「 如果係網上訂嘅,成功機會就好低!一定要填證件、出生日期方可作實,有時地勤見到姓名串法有出入,反而會憑證件編號 cross-check 作準,絕對唔係同名同姓就得㗎!」

由於當事人提供資料有限,飛邊度、男定女、乜航班資料一概不詳,好難判斷真偽 似乎係一齣「 非誠勿擾 」嘅緣分遊戲喎! *圖片來源:牧羊少年咖啡.茶.酒館
由於當事人提供資料有限,飛邊度、男定女、乜航班資料一概不詳,好難判斷真偽 似乎係一齣「 非誠勿擾 」嘅緣分遊戲喎!
*圖片來源:牧羊少年咖啡.茶.酒館