居酒屋
居酒屋

去日本居酒屋 就如Adventure@Lucina Lo

博客

廣告

去日本旅行, 除了入住溫泉酒店享用酒店提供的豐富晚餐外,晚餐的首選通常是當地居酒屋﹐

第一,有多款酒類選擇 (雖然我通常只飲梅酒, 但另一半會由啤酒、sake至燒酌大包圍) ;

第二,我晚餐不吃澱粉質, 叫我吃拉麵烏冬又或壽司等, 絶對no way;

第三,居酒屋提供的食物款式多而份量少,人少的話最好不過, 可試多款菜色卻不易飽肚;

第四, 可以食耐啲, 點完幾碟, 邊飲邊吃再點食物,如果係食定食的話, 食完便要趕住走很無癮。

選居酒屋的條件呢? 我通常先探頭入居酒屋內,看見多當地人、menu沒有英文和圖片,都應該夠地道。不過,很地道的居酒屋,其餐牌或貼在牆上的食物通常連漢字都沒有,幸好現在有一些手機翻譯app,至少知道大概所點是什麼; 不過手機app係翻譯唔到貼在牆上的手寫字,這時侯我通常會看看其他食客 (由其係啲熟客, 通常啲飲燒酌的大叔同老細好多嘢講的, 十居其九都係熟客)食緊什麼,然後點兩個別人吃的菜,之後就再在餐牌上亂點兩個,食物未上枱也不知道是什麼,實在太喜歡這種驚喜的感覺, 雖然很多時都點了很普通的東西, 不過就如同人生,總係要撞些板,嘗一些”屎”(當然這種很地道的居酒屋,食物質素都有番咁上下的), 之後遇上好嘢就會覺得更好。

就如今次於由布院便走入了一間由一位伯伯經營的居酒屋,菜名全是手機app翻譯唔到的手寫字, 幸好菜名旁有”人氣no. 1″, “本日新鮮” 之類的小貼士,而伯伯又很熱情地推介他的撚手小菜, 而我們坐在bar 枱中央, 左邊有兩名正在吃得滋味的大叔, 右邊則有一對男女, 看看他們點的食物都十分吸引,他們更熱情地向我們推介其食緊的東西,就係咁, 當晚吃了伯伯和食客推介、很鮮味的鯖魚刺身,都只係1700日元,份量卻甚多而極度鮮味,還有伯伯最撚手卻係他的秘製奄列,這晚還有帶子、凍煮魚皮和內臟等等,埋單二人都只係四百幾港元,在香港絶對不能以這價錢吃到如此美味的食物。

 

Pocket wifi 推介
為了每日於facebook上載相片,好的wifi真係好重要, 之前試過試過租用平價的pocket wifi和買儲值價,但上載速度較慢接收亦較差,而最近更有儲值卡公司執笠, 所以即使貴啲都會租用可靠的pocket wifi 品牌,自從去年選用旅遊記者推介的Telecomsquare 的pocket wifi後,每次外遊都必定選用,雖然這品牌並非市面上最便宜,但勝在接收夠穩定,上網速度夠快,即使睇片也無間斷,難怪DBS, CITI Bank和國泰航空的business traveler都是他們長期客戶。

價錢:每天$40起 (有多款計劃供選擇,視乎所選之地區及數據用量上限而定)
電話:3568 0070
網址:www.telecomsquare.hk

 

延伸閱讀:

好好Hea 之 華欣Dusit Thani Resort@Lucina Lo

人間好 時節 ~我所愛的香港@Lucina Lo

最新吃喝玩樂資訊