共用工作空間新體驗！設計師分享不一樣的工作環境 @ Miss Sunny

Jul 27 2018

朋友圈中唔少人都做咗嘢一段時間，開始有創業嘅念頭，但喺寸金尺土嘅香港，租金往往都係最大難關！今次我Miss Sunny就遇到設計師 Wing，唔單止分享咗佢如何租共用工作空間解決呢個問題之餘，仲有好多其他得著！

(Presented by Mustard Seed)

共用工作空間解決地方問題安心嘗試創業

同唔少年輕創業家一樣，Wing 及拍檔Polly因為預算問題，而放棄租工廠單位作辦公室。因為一次展覽會，佢哋認識咗Mustard Seed 呢個地方，亦因為「青年共享空間計劃」嘅優惠價，令佢哋無作太多考慮就入紙申請同租用。對於以建築設計為主要業務嘅佢哋，灣仔非常適合。因為唔少客戶都喺同區工作，見客方面亦十分便利。

輕鬆工作氣氛專注力更集中

除咗租金補貼，工作環境對打工仔嚟講當然重要。Wing 帶我參觀Mustard Seed 整個共用工作空間，令我Miss Sunny 相當驚喜嘅係，唔止有專業嘅工作設備，仲提供悠閒享樂設施。唔似一般辦公室咁封閉，環境氣氛就好似大學校園一樣，又有日光，輕鬆但又令人更專注！難怪 Wing 都覺得租用呢個co-working space之後，比起在家工作有效率！

衝破藝術家框框結識不同專業人士

有人話創業嘅路係孤獨嘅，但好多創業家結集埋就會有好唔同嘅效果！Mustard Seed現時結集咗一班從事影片媒體製作、金融、設計、娛樂事務等，唔同行業嘅專業人士。大家都可以從中認識同互相交流。對 Wing 呢類藝術工作者係一個較為罕有嘅經驗，亦令佢多咗好多新構思。就好似佢最近構思一個 ”Trolley Lady Project”。希望為推車婆婆提供一個臨時休憩地方，同時畀佢哋存放貨物或車仔等。而Wing 就係當中認識到拍片嘅專業人士，提供更好嘅建議去解釋佢嘅計劃。