3大網購平台推介-本地篇@Jetso文

博客

廣告

香港係就係買嘢方便,但如果你係好似我咁精甩辮嘅消費者,一定會揀上網shopping。點解?網購唔單止平過出面實體舖一大截,種類多到連卷廁紙都可以上網買,最重要係唔使周圍騰,喺屋企坐定定已經收到貨又唔使行到身水身汗。為咗令大家可以更jetso-ly咁買到心頭好,一於開心share下平時我瘋狂shopping嘅精選舖頭。

推介1:指點 finger shopping

入面有超過100個唔同牌子嘅貨可以揀,大細brand、獨立品牌都有;屋企雜貨、男女時裝、化妝品、BB嘢乜都齊,包保男女老幼都一定買到嘢。不過佢最大賣點係結合咗網上、網下”Clicks & Bricks”嘅優勢,冇信用卡都可以喺OK拎貨㗎!

我就最鍾意睇佢哋個本周勁減,有時會減到6折都唔定,每個星期更新優惠,尋寶咁尋,給你100分驚喜呀。Btw啲貨訂咗2日就會收到,方便到不得了。

Jetso文著數貼士:
呢個網幾乎每個月renew
一次折扣優惠,記得時時mon實有咩新著數呀!

Fingershop01
上個星期先買咗個暖水袋,唔想冬天左手拖右手做條可憐蟲就要買定喇。

推介2:ZALORA

無論係T恤、牛仔褲、西裝、跑鞋定係背囊,一次過滿足你需要。唔使行出屋企門口,都可以確保自己喺潮流尖端。而且每季都會有當季discount,仲會有優惠代碼(promotion code),可以拎到額外折扣,隨時幫你慳幾嚿水呀。

Jetso文著數貼士:
唔洗講咁多,睇睇例子先:每件$250
再有82折,dowload埋app再減$100,呢類著數每個月都有、個個月唔同,真係逼人買嘢。

ZALORA
呢個係9月優惠,抵到爛不過完咗啦,下個月記得留意。

推介3:‎日日煮 DayDayCook‎

依家淨係靠個look就諗住會有女朋友係未夠嘅,所以我最近都決定試下做個「煮」家男人,未有女朋友都可以煮俾自己食呀嘛。呢個一條龍網真係冇得頂,又有短片教人煮嘢食,可以順手訂埋大部分嘅食材;仲有特價專區,俾心機搵一定有平靚正好嘢。

Jetso文著數貼士:
佢個著數位喺個app
度,定期會更新一啲會員優惠,例如係現金回贈、玩遊戲送cash coupon呢類,折上折,超抵玩。

daydaycook02
多得佢個Day Day Dollar我就換多咗碟挪威三文魚刺身返屋企歎。

所以話,識買,一定係上網買。今次同大家share嘅係幾間本地少少嘅online shop,睇完係咪唔夠喉?下集就講埋海外shopping嘅推介,記得留意啦!如果你哋都有啲jetso精選,記得share俾我知啦!

圖片來源:
日日煮 DayDayCook‎ / 指點 finger shopping / ZALORA /網上圖片