香港網球
香港網球

10月周末好去處!保誠香港網球公開賽+網球同樂區@Miss Sunny

博客

廣告

全城關注嘅體育盛事「保誠香港網球公開賽2017」開催喇!每年大家都非常期待呢個活動,Miss Sunny我都好鍾意睇呀,事關呢個係屬於國際女子網球協會(WTA)認可嘅國際系列巡迴賽其中一站,雲集世界級網球高手,賽事超激烈!睇比賽之餘,仲有「網球同樂日」,啱晒一家大細玩!今年主題係「香港風情」,有美食攤位、互動遊戲……,好玩又多fun,睇完就出發去玩啦!

Presented by:Tennis Open

香港體育盛事!保誠香港網球公開賽

呢個係全港唯一兼最高職業水平嘅網球賽事,獲得WTA(國際女子網球協會)認可,上屆就吸引到去年世界排名第一嘅姬芭同七屆大滿貫女單冠軍維納絲威廉斯嚟香港參賽,最後仲由前世界排名第一嘅禾絲妮雅琪勇奪冠軍!今屆賽事同樣有超過50名女子網球精英參加,各位頂尖球手將會由10月7號到15號,喺維園網球主場展開連場激戰!

想一睹世界排名第3位嘅絲維度蓮娜、排第5位嘅雲露絲威廉絲、上屆冠軍兼排第6位嘅禾絲妮雅琪、排第11位嘅拉雲絲嘉,仲有中國球員張帥及王薔、前溫布頓網球錦標賽亞軍保莎等等嘅風采?一定要把握機會入場睇波!

「網球同樂區」有乜嘢玩?

為咗進一步推廣網球運動,今年位於比賽場地旁邊嘅「網球同樂區」將會以全新風貌示眾。呢個免費開放嘅「網球同樂區」以「香港風情」為主題,大家可以喺入面享受不同類型嘅網球樂,包括互動遊戲、親子專區、特色餐飲、賽事直播等等。保誠專區仲會舉行「球星簽名會,等球迷可以近距離接觸世界級網球好手,好幸福呀!一邊欣賞球賽,一邊玩唔同嘅互動遊戲,再歎埋各款參照網球造型嘅美食,仲唔係秋風起最佳活動!同Miss Sunny一樣鍾意同fd子飲番杯嘅朋友,就要密切留意10月12號、晚上6點到9點嘅「網球啤酒夜」,齊齊以超值價喺維園邊飲邊玩,爽呀!

邊玩邊做善事!買Love Tee支持本地網球發展

大家去玩去睇比賽之餘,記住要做埋善事呀!除咗「CAN Challenge 慈善領袖賽」及「慈善名人午宴」,今年賽會特別同創辦T裇設計手機應用程式嘅SnapTee合作,設立「愛心T裇」(LOVE Tee)。大家只要上應用程式:http://bit.ly/2gwmlmX,拍低自己鍾意嘅相,就可以用嚟設計自己嘅專屬T恤。「網球同樂區」仲設有攤位畀大家預訂,畀錢時記住入埋「snapteexphkto」,即刻有85折優惠呀!今年賽會亦會同「香港乳癌基金會」合作,喺10月11日舉辦「粉紅日」,鼓勵大家著粉紅色服飾入場,從而提升大家對乳癌嘅關注!

活動扣除成本後所得嘅款項,將會用作支持香港網球總會為缺乏資源及有特殊教育需要嘅年輕學童提供免費網球訓練,希望呢個體育活動可以喺香港更加普及!

留意特別活動:全民參與網球盛事

「全民參與星期一」:正賽第一日,賽會會免費開放網球主場同其他兩個比賽場地畀各大市民入場觀賽,咁就人人都可以近距離欣賞世界級女子網球賽事!期待!

「星期二學生日」:正賽第二日,所有全日制學生都可以免費入場觀賞賽事,希望年青人睇完賽事之後,都會嘗試執起球拍,體驗網球嘅樂趣。

「網球童樂日」:由國際職業女子網球員擔任星級導師嘅訓練日,網總會邀請約一百位學童,包括網總旗下培訓少年球員項目「Tennis Rocks」嘅參加者參加,大家齊齊享受網球樂趣!

保誠香港網球公開賽2017 – 網球同樂區

日期:108日至1015

地點:銅鑼灣維多利亞公園

詳情:www.hktennisopen.hk / Facebook專頁@hktennisopen

最新吃喝玩樂資訊