他朝君體也相同@杜遊珍

博客

廣告

踏入年尾,業界都忙著約飯局,傾談來年大計,最常觸及話題,就係近月佔領運動嘅影響,唔少老闆呻到牙肉痛、借題發揮教訓不相干的記者妹妹做人道理,眼見對方嘴失禁地發表歪理狠批學生哥,走在前線的行家都不以為然,其實講到如何做奴僕、仲有邊個夠低薪打工一族感受深刻?!聚會過後,滿不是味兒,孭住對方饋贈嘅2015年曆,膊頭同心情一樣沉重,如果要送一個月曆作回禮,阿珍會揀呢個北韓年曆送畀反佔領嘅朋友,日日望住鐵幕國家嘅風景數日子,時刻提醒自己做個順民好歡欣,月曆入面嘅作品,來自曾經6次前往北韓的法籍攝影師Eric Lafforgue,擅長捕捉鎖國鮮為人知嘅生活日常,不過由於太落力踢爆弄虛作假的場面,當事人已經被禁止再踏足北韓!

由網絡通訊社NK News印製的「平壤風情話」月曆,罕見的角度本來係獲得默許下拍攝,可惜最後都係反轉豬肚遭封殺,奇貨可居的照片,當然更加要廣傳。

更多資訊:水都潺仔威尼C 收費禁例層出不窮@杜遊珍 / 同名同姓就可以? 機票轉讓易唔易?@杜遊珍
北韓2015月曆(US$24.99/HK$194)
網址:http://shop.nknews.org/