吳亮星
吳亮星

人人都是吳亮星!(好似係)@杜遊珍

博客

廣告

堂堂國際大都會,明張目膽發生跨境擄人,高官議員回應烏里單刀一口泡,上星期大家都「用自己方法作出譴責」。阿珍對吳亮星嘅無恥表現不感陌生,最失望反而係將消息搬上主播枱面嘅方東星,環遊世界爆爛Gag 過後,回到自己專業範疇即刻見底,真係枉為傳媒人,何不轉行賣Pizza?不過話說回來,「是非當人情、廣傳唔求證」從來都係香港人嘅通病,喺旅遊界打滾多年嘅阿珍,每隔一段時間就聽到以下傳言(或變奏),真係多謝你班朋友嘅朋友:

Case 1 –遊日輻射誇到痺

一直流傳不同版本嘅手機傳聞,將輻射感染表徵講得誇張過感冒,傳言游走,「東京>輻射」呢個印象,喺某啲網民口中等於「星洲>炒米」條件式反射,即使專家帶埋測量標去做實驗澄清,都係無補於事。

Case 2 –套板印象鬧咸濕

其實就算無網絡謠言,印度風化案的確係令人擔心,不過呢類訊息由一世淨係識跟團嘅大媽講出嚟,然後補句「送畀我都唔去印度」,阿珍就覺得好諷刺囉!大家不妨Google一下「10個貼士一個女仔也可走遍印度」,有香港實例話畀你知如何單身入境不失霸氣!

Case 3 –捕風捉影傳執笠

每逢年頭年尾,為咗打擊對手,總會出現「唱人執笠」嘅傳聞,真係最低成本兼無後果嘅低庄手段;對手耍陰招,前線員工畀人問起都唔知點拆,阿珍作為打工仔,覺得老細嘅最佳應付方法,莫過於出雙糧花紅然後開倉再加薪,睇下人家仲可以點樣唱衰你!
延伸閱讀:
幫 Uber 重選代言人[email protected]杜遊珍
機場內的明星萌友@杜遊珍

最新吃喝玩樂資訊