【浪漫一日遊】愉景灣歐陸之旅@Travel佳

博客

廣告

(Presented by 香港愉景灣)

Travel佳成日周遊列國同大家分享世界唔同嘅見聞,其實放假嘅時候,Travel佳反而鍾意留喺香港,但係市區實在太繁囂, Travel佳發覺愉景灣都係一個唔錯嘅選擇,貪佢人夠少又有外國聖誕氣氛。
聽講今年愉景灣啲聖誕燈飾好靚,好多人post咗相。於是上星期入咗去探路,仲打聽到佢哋今年有個與眾同樂嘅巡遊,Travel佳即刻炮製咗個聖誕一日遊,希望同另一半喺香港過一個歐式聖誕。

1PM 心鎖長廊寫上約誓

而家由市區入去愉景北真係好方便,直接搭的士就入到去,喺愉景北商場餐廳午餐後,帶另一半去海傍嘅心鎖長廊,喺迷人嘅景色下,為佢送上甜蜜驚喜,將大家嘅山盟海誓扣上啦!

Travel佳就話,如果喺度示愛,都係一個good idea喎!

3PM 聖誕古典馬車暢遊

喺愉景北商場隔離就係香港愉景灣酒店,呢度有香港非常少見嘅馬車可以坐。聽住馬蹄嘅「確確聲」,沿途經過富歐陸色彩嘅特色建築,成個feel真係好歐洲,完全唔記得自己仲喺香港!

08

聖誕古典馬車暢遊
日期:12 月 24 至 26 日 (平日版觀光馬車暢遊則每日開放)
開放時間:10:00a.m. – 12:00nn,2:00p.m. – 6:00p.m.
地點:香港愉景灣酒店活動中心

5:30PM 賞星空聖誕燈飾

冬天5:30左右天色就已經漸黑,愉景北嘅閃亮鹿車、星閃布置,每一樣都充滿驚喜,最啱就係selfie,影低浪漫一刻。

02a

不過,最Wow嘅夜景,喺係碼頭隔離嘅D’Deck,喺愉景北商場坐免費穿梭巴士過去,一落車向住海傍方向行,就會見到海濱長廊已經幻化成一片星空,大家真喺唔可以錯過。

DSC_7197

6:30PM 感受歐洲嘉年華式聖誕巡遊

講到成個活動嘅重點,當然係D’Deck「聖誕閃爍嘉年華」,而Travel佳就咁啱撞到佢哋綵排,一眾公主、王子、歐洲貴族、士兵與小丑沿住海傍, 喺輕快嘅音樂伴隨下巡遊,氣氛同喺德國嘅聖誕市集好似,勾起咗Travel佳嘅回憶!綵排D人都咁high,我估聖誕當日更不得了!

05

唔好以為巡遊淨係齋睇冇得玩,今次嘉年華嘅大賣點就係邀請途人一同起舞,仲免費派閃令令面具,等你都可以成為角色嘅一部分,大家打成一片。而巡遊最後嘅一站,會去到碼頭對出嘅華麗閃爍舞台,上演精彩嘅公主王子邂逅故事,結合聖誕節的歡欣和嘉年華的熱鬧,氣氛肯定好高漲。

04

D’Deck聖誕巡遊
日期:12月24至26日(星期四至星期六)
巡遊時間:2場,6:30 p.m.& 8:30p.m.
(巡遊表演隊伍喺3:30p.m.起會同大家見面拍照留念)
地點:D’Deck臨海美食區及愉景灣碼頭

7:30PM D’Deck 享受燭光晚餐

講到聖誕節,當然要大吃一餐,愉景灣嘅餐廳向來都選擇眾多,Travel佳當日已經見到唔少餐廳預告會推出聖誕套餐。

其中主打德國美食嘅Berliner, Travel佳就特別鍾意慢煮法國鴨脾配紅椰菜、蘋果啤梨醬及麵包粉糰嘅主菜,據聞喺聖誕節都會供應,同愉景灣整個歐陸風聖誕極為配合,特別食得有feel啦!

喺D’Deck指定餐廳食夠$120,仲可以免費搭返船出中環,幫Travel佳慳番唔少添!

Berliner
地點:愉景灣D’Deck地下G01B
電話:2987 8203

Facebook:香港愉景灣
Website:www.visitdiscoverybay.com

 

 

 

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線