讀者來稿!跨年玩兩地 試搭Kitty桂冠艙@杜遊珍

阿珍為呢個專欄而經營fb個人專頁都有一段日子,通常都係讀者「私訊」問我旅遊心得同貼士,最近終於得到一位讀者回饋,分享坐長榮Hello Kitty 專機嘅心得,當然要同大家分享!

話說長榮同推出嘅Kitty 彩繪專機已有一段日子, 除咗設計有噱頭, 飛機餐更獲評選「2014年度機上餐點TOP 5 」!繼港台航線外,近年仲擴展到東京、札幌、首爾、關島甚至巴黎!「珍粉」讀者網友A早就搭過香港出發嘅Kitty 機、舊年年年尾特意經網上預訂香港台北首爾嘅航線,實行跨年玩兩地,仲豪坐比商務高一級嘅「桂冠艙」( Premium Laurel)。阿珍問佢短線做乜坐到咁豪,佢就分析:「上次經濟艙台北去首爾跨年都要NT18,xxx,升級桂冠先NT19,xxx,所以即買後者,只差幾百港元、行李多10KG,仲係直送目的地唔使煩!」網友A又教路,官網一次過預訂的「優惠」未必係最抵, 今次佢訂台港段桂冠連稅約HK$3,5XX、台韓段HK$5,000, 比推廣正價HK$12,XXX 平一大截!果然係算到盡.SmartSpending,如果大家都有類似心得,記得阿珍fb分享呀!

前菜的Kitty係一塊芝士,幾清新好味。

燴牛三件,有啲似牛雜炒麵,幾入味,唔錯!不過Kitty元素只限紅蘿蔔蝴蝶結。

朱古力蛋糕係CabinChief的推介,蛋糕朱古力味&蛋味十足、讚!

回程逗留台北,玩到落高雄,網友A表示仁川桃園線日日都有kitty機,想坐就最啱!

身在首爾心繫香港,倒數當日都拎住Banner自拍留念。

杜遊珍
在旅遊界打滾多年,熟悉旅遊產品動向,得悉業界內幕,登場指點大家出遊秘技。

延伸閱讀:堅離地的 Marry [email protected]杜遊珍

最新吃喝玩樂資訊