蒸。熊。糕食譜@Candace媽媽

「我好想整蛋糕呀~但屋企又無焗爐~只能夠做蒸蛋糕。。。
但蒸蛋糕好悶囉。。。

除咗蒸白色乜都無的包、又或鬆糕馬粒糕外,就無得再揀了。。。」

蒸蛋糕技巧

我經常聽到朋友們這樣呻,聽到我都眼濕濕。。。慘慘豬喎。。。
其實蒸蛋糕都可以巧靚的,仲靚過焗蛋糕喎。。。
仲人見人愛,車見車載,唔信?不如睇下片丫~
給大家介紹我的「蒸。熊。糕」

材料(可做5個)

日式班戟粉………………150g
低脂純味乳酪…………..100g
砂糖………………………..20g
泡打粉…………………….5g
食油……………………….1湯匙

雞蛋…………………………2隻
雲呢拿油…………………..2滴
朱古力粉………………….1湯匙
啡色朱古力筆

做法:

1. 大碗內,將泡打粉加進班戟粉內,再加乳酪拌勻。
2. 拌入砂糖,再打入雞蛋拌勻。
3. 加入食油及雲呢拿油拌勻。
4. 取出2湯匙麵糊備用,將朱古力粉篩進大份的麵糊內,並拌勻。
5. 預備小杯,倒入啡色麵糊,並用小匙把一小點白色麵糊加上(請參巧影片)。
6. 隔水蒸20分鐘,蛋糕成形後,取出放涼。

7. 朱古力筆在牛油紙上畫上數個小圓形,待乾固後取出,成為耳朵。
8. 再利用朱古力筆畫上眼睛及鼻子等細節。
小撇步:
• 日式班戟粉帶甜味,所以不用額外加太多糖。
• 以防蛋糕在蒸的過程中爆開,建議在入鍋前將杯在枱面上「鄧」數下,放掉杯內空氣。
• 為了保持蛋糕表面平滑,要在蒸的時候稍開蓋,走走水氣後再蓋上。

延伸閱讀:

壽司。超人@Candace媽媽

零失敗。可愛銅鑼燒食譜@Candace媽媽

 

最新吃喝玩樂資訊