檸檬薄荷蜂蜜熱飲
檸檬薄荷蜂蜜熱飲

《自製維他命方便冰粒・ 檸檬薄荷蜂蜜熱飲 》食譜@Hilda 梁雅琳

博客

廣告

天氣的轉變,身邊都有唔少朋友有感冒徵狀。除了多飲用湯水可以幫補下,其實我哋都可以自製「維他命熱飲」,增加抵抗力!呢個《 檸檬薄荷蜂蜜熱飲 》非常好味。當中嘅薄荷有些少提神醒腦的作用,加入潤喉的蜂蜜和豐富維他命C的檸檬,將佢地冷藏成「方便冰粒」,有需要時就拎幾粒出來,注入熱水攪勻即可飲用。方便程度簡直比得上市面上的即沖飲品,但成份更天然,大人小朋友都可以飲啦~ ^.<

《 檸檬薄荷蜂蜜熱飲 》

材料:

檸檬1個
蜂蜜3湯匙
薄荷適量 (可選擇切碎,味道會更突出)
暖水350毫升

做法:

1)檸檬切半,取汁,備用。

 

2)蜂蜜加入暖水中混合,下檸檬汁拌勻。

3)檸檬蜂蜜水倒入冰格中。

 

4)於每一個冰格放入薄荷葉,放入冰櫃冷藏,即成。

貼士:

*建議每次使用250毫升熱水混合3粒冰塊飲用。

*此熱飲並非醫治感冒的藥品,如有感冒,請到醫院求診。

延伸閱讀:


最新吃喝玩樂資訊