免稅
免稅

機場 免稅 店堅平啲? @杜遊珍

博客

廣告

阿珍最鍾意入閘後行 免稅 店,唔係貪平( 啋!乜我似啲咁嘅人咩?)而係寄艙行李一早爆咗,買Dutyfree 唔使計入嗰20kg 嘛!每次埋單,店員務必要我出示登機證, 向來不以為然, 誰知早前睇新聞才驚覺,原來此舉只係方便啲鋪頭逃稅!

阿珍一向都覺得倫敦希斯路機場無咩好買,最近《Telegraph 》派出格價專員調查,發現唔少商店價位跟市區店一樣之餘, 仲索取旅客登機資料明益自己!最離譜莫過於Boots 藥房,其實英法例並無強制要求機場購物結賬時出示登機牌, 但原來經店員一「嘟」之後, 商店就可以向政府申請退稅, 以£8/HK$96的Nivea 防曬為例, 商店可以取回£1.33/HK$16 !另一間Dixons 出售iPhone6,表面平過市中心£20,但電器舖自己袋了£100 !所謂 免稅 ,只係免商家嘅稅!所以奉勸各位姐妹飛倫敦,都係買齊手信先好去機場!

日本線姐妹K就話日本人老實好多, 基本上ROYCE 呀白の戀人等都免稅,佢最愛的YOKU MOKU蛋卷, 香港$100先得10條, 但東京機場就好平,¥1,500/HK$93已經有30條!

另一空姐T就話上次去法國,因為歐元低迷,最新款的Dior,比香港價打了七五折,她即時買了LV 的水筒Monogram 袋, 比香港平足$5,000, 買來放都抵!

各地機場堅抵買 免稅 品

曼谷廊曼機場L’Oreal
全球最抵,咩都要掃,但阿珍最鍾意買粉底同指甲油

首爾仁川機場MCM手袋

東京成田機場小家電
小電器!買過飯煲,比香港平足HK$2,000

巴黎戴高樂機場Louis Vuitton手袋X2

最新吃喝玩樂資訊