古蹟辦推歷史建築展覽 邊玩邊遊文物 古蹟
古蹟辦推歷史建築展覽 邊玩邊遊文物 古蹟

古蹟辦推歷史建築展覽 邊玩邊遊文物 古蹟

(Presented by 康文署)

要欣賞歷史建築?唔一定要親身去嘅!依家喺香港文物探知館舉行緊嘅「時代‧憶記——活在香港歷史建築」展覽,就透過好多創新、好玩嘅虛擬實境裝置同埋互動展品,將一幢幢歷史建築呈現喺觀眾眼前,等觀眾可以邊玩邊探索香港嘅歷史建築。展場仲擺放咗唔少同歷史建築有關嘅珍貴文物,可以俾觀眾感受一下香港嘅昔日面貌,馬上睇下有咩精彩位!

IMG_1944WW

1. 必玩VR虛擬實境裝置

歷史建築擺唔到入展廳,不過透過 VR 虛擬實境裝置,企定定就可以睇到唔同嘅歷史建築,直情好似去咗現場咁!除咗可以睇到中環嘅聖約翰座堂,仲可以睇到赤柱嘅聖士提反書院、元朗厦村嘅鄧氏宗祠同錦田嘅二帝書院。

IMG_2003W
大家去到記得玩呢個 VR 虛擬實境裝置!

2.超大型動感 Motion Wall 任你玩

呢個超大型嘅 Motion Wall 可以 360° 鳥瞰歷史建築外貌之外,仲可以帶你穿越建築物空間同秘道,好似身歷其境咁探索歷史 古蹟 建築! 點解呢啲影像好似好真實咁呢?因為呢啲影像真係古物古蹟辦事處平日用嚟記錄歷史建築嘅三維數據嚟㗎!保育歷史建築係古蹟辦其中一項好重要嘅工作,所以佢哋一直為具有重要文物價值嘅歷史建築進行相片同測繪記錄。近年呢啲記錄更加由 2D 演進到 3D 雷射掃描技術,對日後研究、修復以至文物教育工作都有好大嘅幫助。

呢個 Motion Wall 可以睇到元朗厦村嘅鄧氏宗祠、香港天文台、元朗新田永平村嘅大夫第同尖沙咀鐘樓,當中仲睇到啲古蹟入面平日入唔到去嘅地方添呀!

IMG_1998W
相信大人同小朋友都一定鍾意玩 Motion Wall!

 

3.好玩互動展品

平時去展館睇文物,只能夠眼看手勿動,呢件展品就可以俾你虛擬咁觸碰文物。書上面印咗同歷史建築有關嘅文物,只要掀一掀本書,書入面嘅文物就會立體呈現喺螢幕上面,呢啲影像仲可以 360° 轉動添。例如聖約翰座堂嘅主教座同洗禮盤,你只要輕輕觸碰,就可以放大和縮小,從唔同角度欣賞呢啲文物。

IMG_2006W
只要輕輕觸碰螢幕,就可以360°咁欣賞到聖約翰座堂嘅主教座。

4.必睇文物 古蹟 重拾昔日社會面貌

除咗玩,當然都要認識一下展覽內同歷史建築有關嘅珍貴文物啦。

好似面前呢張就係聖約翰座堂入面嘅主教座。聖約翰座堂喺 1849 年興建,今次展出咗座堂入面第一代嘅主教座,同埋超過百年歷史嘅《聖經》。主教座及《聖經》都係第一次公開展出!

IMG_1918W

另外,有唔少展品都同民生有關嘅,可以睇到以前嘅社會面貌。其中一個必睇嘅文物就係元朗舊墟晉源押嘅木招牌,呢個招牌係香港現存最古老嘅當舖招牌。展覽仲展出以前太和市嘅大埔七約公秤,咁大把秤,要一手攞起真係唔容易!

IMG_1969W
呢個係元朗舊墟晉源押木招牌,可追溯至約 1910 年代,係香港現存歷史最悠久嘅當舖招牌。
IMG_1961W
大埔七約嘅公秤超巨型,相信拎起都唔易!

我哋以前睇開古裝片,入面用嚟擺放棺柩嘅義莊,原來香港仲有㗎!呢兩個就係東華醫院代租蝦苟艇運送棺柩同骨殖返內地嘅章程木牌,同東華義莊喺 1924 年各莊房嘅租價列表木牌,先人嘅棺柩存放喺唔同莊房,房租都有分別㗎!

IMG_1930W
木牌上嘅租艇章程同莊房價目列得好清楚,明碼實價。

「時代‧憶記——活在香港歷史建築」展覽

日期:即日起至 5 月 1 日

地點:尖沙咀九龍公園香港文物探知館

收費:免費入場

詳情:www.amo.gov.hk/b5/whatsnew_20170120.php

最新吃喝玩樂資訊