漢堡神偷@呢啲嘢啊

博客

廣告

漢堡包,深信是每個細路仔心中覺得日日食都無咩問題嘅食物,大個了也保留了這份童真,聽到Burger隻耳已經伸長到旁邊。明明就係包一個,點解會有咁大嘅吸引力?又唔見食雞尾包同菠蘿包有咁上下。漢堡包魅力詳見麥記急口令(閱讀全文
www.youtube.com/watch?v=Ve6vFf9lCY4

“>www.youtube.com/watch?v=Ve6vFf9lCY4

),為這快餐附上魔力的,還有好伙伴:薯條同汽水,三兄弟加埋先完滿一個美式快餐。

雖然肥係肥,但一餐正斗嘅Junk Food絕對會令人全日都開心。一餐半餐就仲可以去MD或BK或MOS既,唔滿足囉唔夠皮囉唔合心水囉…所以難得想豁出去,梗係揀間好啲嫁啦。今次又過海啦,burgeRoom曾經係銅鑼灣炸脾對落的街,現已搬遷了,找天我會再去試試,希望地點轉味道不會變。

Portobello Cheese Burger
呢度個名已經話俾你聽佢係漢堡包專門店啦,有勁多包款選擇,認真有排試。身為一名雙手健全的楊過,係去到邊都掛住「菇菇」嘅。餐牌上這個菇肉相稱選項,還要是他的招牌菜,仲唔係我過兒之選?包籃一到,已見厚厚的堡身層層疊得令人口水長流,店家將之一分為二,唔係咁大真係好難放入口。如果鍾意大啖大啖食包的朋友,記住叫時單聲唔好開邊。

烘得脆的包,大大片波特菇,半溶的車打芝士,厚嫩的漢堡扒,去皮蕃茄(是怕難咬吧,更顯細心),西生菜片,淨係講層次已有咁多,豐富致極。平時食開steak已經鍾意伴蘑菇,有位朋友極好這種食法,兩者味道非常相配,各自有獨特香味,濃又不會搶風頭。兩者厚疊疊的,如像有兩塊扒咁,菇帶少少淋爽咬口,扒帶嫩滑。芝士半醬汁狀地覆蓋了整塊扒,車打就最啱用嚟做Burger,夠惹味重芝士feel。扒之下還有自家製的沙律醬,味道如千島,配下方的茄菜一流。

整個包除了包身外,都不會乾,尤其漢堡扒煎香而肉汁保留了。賣相方面,蕃茄大菇肉扒菜片溶芝全部也一體合之公整的圓形,沒有任何違和感,強逼症朋友也不用擔心了(笑)。

Melted Cheese Twister Fries
一般食開都係薯格薯條,嚟得就揀少見啲嘅Twister Fries,我稱之為彈弓薯條。彈弓設計的好處在於有好多縫隙俾啲醬汁走入去,無論係茄汁定溶掉的芝士,都能一一卡著。芝士半液態地鋪在炸香的薯條上,薯條香口配上咸咸的芝士,但要趁熱食,否則溶芝結硬,彈弓變淋。

illy Coffee & Iced Cappuccino
食咁熱氣費事再飲埋汽水咁寸,方死自己唔病咁。用得illy又唔會話太差,但亦不會有驚喜。吸不千奴與美式咖啡配漢堡包,沒幾次。對比其他飲料,咖啡有種鎮靜,將我由油田帶回甘地。下次要試試朱古力同埋茶!

還記得那天去訪時,旁邊住宅的地下商鋪有著剛關的文化屋,諷刺嗎?這天寫著稿,「房間」也搬了,兩者店去,情沒空。幸運的是,文化屋在尖沙咀還有那閣樓,burgeRoom到了更榮華的地段。那種小店情懷能不失,十分可貴。若跌下沒有充滿氣的墊,若遇溺沒有拋到手的水泡,若離開不是有後著,可否全身而退?

不理罷,有店我就闖,有食我就吃。不能讓眼睛只注視被偷走的,要看著能得到的。展望著下次,到新店再試試即製即炸即沖的美式快餐。

burgeRoom

舊址:銅鑼灣加路連山道7號地舖

新址:銅鑼灣Fashion Walk百德新街50-56號地下D舖 2890 9130

www.burgeroom.com/index.html

www.facebook.com/pages/BurgeRoom/29807994937?fref=ts

延伸閱讀:倒數失樂園@呢啲嘢啊