聖誕唔係唔食自助餐呀？@Dining娜
（Presented by Kudos）
聖誕節仲有成兩個禮拜先到，但我Dining娜已經準備好喇！難得假期，嗰幾日booking已經full晒，我已經準備好同班姊妹出去狂歡幾晚，直頭係戰鬥格，一定要「食」到好嘢！無語帶雙關，唔好誤會，我講緊嘅係聖誕大餐！識食梗係去食自助餐，款式包羅萬有，最有大餐feeling！
但坊間好多加咗「聖誕」兩個字喺自助餐前面，就扮係節日限定，一啲誠意都無。身為吃貨嘅我，當然唔會咁易俾人呃啦！终於！經我精挑細選，最後決定，登登登登！就係喺銅鑼灣，以海鮮響朵嘅Kudos喇！而家等我一一拆解必食位啦！
必吃之鮮！
Kudos對海鮮食材十分執著，嚴格挑選來源地，確保百分百的新鮮，保證一定高質！
冰鎮海鮮拼盤
於聖誕和除夕期間（24,25,31/12）會有多2款生蠔放送，有來自法國，海鮮味較濃和脆口嘅諾曼第生蠔和紛迪加蠔，以及來自美國的Minterbrook生蠔，creamy肉質，非常易入口。
干邑龍蝦濃湯
特別放送！自選海鮮湯專區
有得揀，你先係老闆！自助餐特別設有自選海鮮湯專區，唔單止有得揀你想食嘅海鮮，如：龍蝦、飽魚、蟹等，仲有得揀埋湯底，經典法式、冬蔭公、檳城叻沙、清雞湯，梗有一款啱你口味！
必吃之巨！
話明自助餐，廚房梗係要有番咁上下份量，先搬得出嚟見人，以下呢兩款，齋係賣相已經好吸睛！
香草燒大骨肉眼扒
聖誕燒釀火雞卷
必吃之甜！
甜品就係最完美嘅結束。餐廳精心打造幾款甜品，單係外形已經令我心裏大叫好打耳！聖誕老人飄雲過境送上傳統聖誕節甜品，吃完祝福必定很幸福！
聖誕布丁配干邑香草汁
聖誕樹頭蛋糕
蘋果批
紅酒果子凍
必寄之card！
情深說話未曾講？梗係要借助節日嘅快樂氣氛講！餐廳好貼心準備好5款postcard，食飽飽，可以拎張寫低你嘅心意，寄俾你想盡訴心中情嘅人啦！
早鳥優惠
唔好話我唔提醒大家，而家喺15/12之前book位兼俾埋全數，就會有9折優惠！Kudos嘅詢問度極高，而家有埋折咁抵，真係要快啲拎起電話，book實個靚位！
Kudos
香港銅鑼灣皇冠假日酒店一樓 (顯示地圖)
禮頓道8號
網址：http://www.cphongkong.com/eng/dining.php?channel=kudos
Facebook: www.facebook/crowneplazahk
