我又以為自己係沙田@為何斯德哥爾摩沒有譚仔三哥

博客

廣告

其實我係瑞典既生活真係好無聊,其中一樣令我最興奮既事,就係去行IKEA。

因為瑞典同香港IKEA D裝修幾乎一模一夠樣,係瑞典行IKEA反而令我覺得自己係沙田,成為咗我少少嘅心靈慰藉。

▲ ingång即係入口嘅意思。

瑞典同香港既IKEA其中一樣最大嘅分別,就係瑞典IKEA通常會係郊區,如果唔係渣車都幾難入到去,唔似得香港果D落正繁華鬧市。
呢樣亦係其中一樣令我感到懊惱的事,因為我冇車牌唔識渣車,但我好鐘意食九佢D平餐。

▲入到去例牌拎番格車仔先。

▲買傢俬度櫃果D唔講啦,講下野食。
瑞典同香港IKEA D野食其實差唔多價錢,至於食物質素方面,嚴格黎講瑞典呢邊係比較新鮮嘅。

▲每次必點:香草三文魚配薯蓉。

▲空蕩蕩嘅大貨倉,通常得D細路係度跑嚟跑去。

▲瑞典人同香港唔同嘅地方係,佢地唔會屎忽痕就入IKEA行,當假日節目(即係好似我咁)。

▲閒閒地就連執貨嘅都係金髮索女,作為亞洲女性,生活係瑞典壓力真係好大。

▲臨到收銀處果度有好多雜物賣,而書面果個男人就係IKEA嘅創辦人(好似係)。
聽講呢條銀樣慳到出汁,連茶包都會循環再用。
不過Who cares?在瑞典,男女老幼即使口裡說著不,身體卻很誠實,人人都愛IKEA吧。

延伸閱讀:
地底探險記@為何斯德哥爾摩沒有譚仔三哥
三男三女北上尋歡之旅@為何斯德哥爾摩沒有譚仔三哥