港男Nike抽鞋驚見爛盒轟：比人搵笨網上大呻反被網民一面倒揶揄

Q: 網民為何呼籲「 nike抽鞋記得check鞋盒」？

最近有抽中Nike波鞋的男網民.. 詳情

Mar 26 2023

Nike多年來於波鞋界市場中獨佔鰲頭，更不時與其他品牌合作，推出聯乘限定款式，一些限量版復刻波鞋開售，需要以抽籤形式發售，如果能夠被抽中算是十分幸運。不過最近有抽中Nike波鞋的男網民收到爛盒，嬲爆轟「比人搵笨」，然而留言卻一面倒嘲笑樓主「抵死」！

港男Nike抽鞋驚見爛盒轟：比人搵笨

樓主以「 nike抽鞋記得check鞋盒」為題嬲轟被搵笨，事緣樓主在Nike官網抽中air jordan 4，便到銅鑼灣分店取貨，起初一切順利，但樓主離開門市後再拎鞋盒一看，發現鞋盒面頭破損了，便折返鋪頭與職員理論，樓主指「前後唔超過2分鐘」，指店員稱「你check左先比錢架嘛」、「抽籤貨物及已比左錢就冇得換」，樓主嬲爆離開，並在討論區公開經歷，呼籲網友「nike抽鞋記得check鞋盒」。

NIKE Nike多年來於波鞋界市場中獨佔鰲頭。 — Nike多年來於波鞋界市場中獨佔鰲頭。（圖片來源：Deepal Tamang@unsplash）

NIKE 樓主離開門市後再拎鞋盒一看，發現鞋盒面頭破損了，便折返鋪頭與職員理論。 — 樓主離開門市後再拎鞋盒一看，發現鞋盒面頭破損了，便折返鋪頭與職員理論。（圖片來源：連登討論區）

網上大呻反被揶揄

不過網民留言幾乎一面倒反罵樓主，有部分網友指不明白為何樓主這麼緊張鞋盒，稱「咁少事都介意⋯⋯你拎個鞋盒做裝飾品咩」、「返到屋企都丟㗎啦」，更有唔少人質疑樓主是炒家，紛紛留言「炒狗就炒狗啦，真係用家，X會理個盒咩」，更反問「咁緊張個盒點解唔睇清楚先？」。

網友精警留言

樓主解釋已檢查波鞋沒想到鞋盒會有問題，指過程中沒看清鞋盒狀況「check完對鞋比返職員，職員已經直接成個盒放入紙袋」，認為對方有意畀爛盒，感到「比人搵笨。不過有網友精警提出鞋盒的用途「盒爛唔係好平常架咩，本身個盒都係用黎protect 對鞋咋ma, 對鞋無爛佢就已經完成歷史任務啦，以後賣鞋洗唔洗搵多個盒去裝住個鞋盒呀?」，「同埋依啲限量野個倉都無多幾個盒俾你換啦，換個普通Nike 盒俾你好無？」，最後樓主圍爐失敗之餘，更被大批網民追擊。